લોકસભા ચૂંટણીનો ધમધમાટ પુરજોશમાં, પ્રધાનમંત્રી મેરઠથી પ્રચારની કરશે શરૂઆત, તો અમિત શાહ રાજસ્થાનના બે દિવસીય પ્રવાસે

પ્રધાનમંત્રી નરેન્દ્ર મોદી આજે પશ્ચિમ ઉત્તર પ્રદેશના મેરઠમાં રેલી કરી ચૂંટણીનું રણશિંગુ ફૂંકશે. લોકસભા ચૂંટણીના પડઘમ વાગ્યા બાદ પશ્ચિમ UPમાં PM મોદીની આ પહેલી ચૂંટણી રેલી હશે. મેરઠની રેલીમાં RLD ચીફ જયંત ચૌધરી પણ પહેલીવાર PM મોદી સાથે મંચ પર હાજર રહેશે. આ રેલીની મદદથી PM મોદી પશ્ચિમ UPથી હરિયાણા, પૂર્વાંચલ અને દેશને મોટો સંદેશ આપવાનો પ્રયાસ કરશે. ખાસ કરીને OBC મતદારોને આકર્ષવા માટે તમામ પ્રયાસો કરાશે. મેરઠને પશ્ચિમ UPનો ગેટ-વે કહેવામાં આવે છે.

 ભાજપના વરિષ્ઠ નેતા અને કેન્દ્રિય ગૃહમંત્રી અમિત શાહ આજથી રાજસ્થાનની બે દિવસની મુલાકાતે છે. અમિત શાહ આજે બપોરે જયપુરમાં પાર્ટીની લોકસભા કોર કમિટીની બેઠકમાં સહભાગી થશે. આ બેઠકમાં અમિત શાહ પાર્ટી કાર્યકર્તાઓને જીતનો મંત્ર આપશે. જે બાદ સાંજે સીકરમાં અમિત શાહ રોડ-શો કરી ભાજપ ઉમેદવારોના સમર્થનમાં ચૂંટણી પ્રચાર કરશે.