વડાપ્રધાન મોદી દેશનાં વિવિધ ક્ષેત્રોને કેવડિયાથી જોડતી આઠ ટ્રેનોને આવતીકાલે વીડિયો કોન્ફરન્સિંગ દ્વારા બતાવશે લીલી ઝંડી

વડાપ્રધાન નરેન્દ્ર મોદી દેશનાં વિવિધ ક્ષેત્રોને કેવડિયાથી જોડતી આઠ ટ્રેનોને 17 મી જાન્યુઆરી, 2021 ના ​​રોજ સવારે 11.00 વાગ્યે વીડિયો કોન્ફરન્સિંગ દ્વારા લીલી ઝંડી બતાવીને રવાના કરશે. આ ટ્રેનો સ્ટેચ્યુ ઓફ યુનિટીને નિર્બાધ કનેક્ટિવિટી પ્રદાન કરશે. વડાપ્રધાન સમારોહ દરમિયાન ગુજરાતમાં રેલ્વે સબંધિત અન્ય અનેક પ્રોજેક્ટ્સનું ઉદઘાટન પણ કરશે. આ પ્રસંગે ગુજરાતના મુખ્યમંત્રી અને કેન્દ્રીય રેલ મંત્રી ઉપસ્થિત રહેશે. 

વડાપ્રધાન ડભોઇ-ચાંદોદ ગેજ રૂપાંતરિત બ્રોડગેજ રેલ લાઇન, ચાંદોદ-કેવડિયા નવી બ્રોડગેજ રેલ લાઇન, નવવિદ્યુતકૃત પ્રતાપનગર-કેવડિયા ખંડ અને ડભોઇ જંકશન, ચાંદોદ અને કેવડિયાના નવા સ્ટેશન બિલ્ડિંગનું ઉદઘાટન કરશે. આ ઇમારતોનું નિર્માણ સ્થાનિક સુવિધાઓ અને આધુનિક મુસાફરોની સવલતોથી સુરૂચિપૂર્ણ રીતે બનાવવામાં આવી છે. કેવડિયા સ્ટેશન એ ગ્રીન બિલ્ડિંગ સર્ટિફિકેટ મેળવનારૂ ભારતનું પહેલું રેલ્વે સ્ટેશન છે. આ પ્રોજેક્ટની આજુબાજુનાં આદિવાસી વિસ્તારોની વિકાસલક્ષી પ્રવૃત્તિઓમાં વધારો કરશે. નર્મદા નદીનાં કાંઠે સ્થિત મહત્વપૂર્ણ ધાર્મિક અને પ્રાચીન તીર્થસ્થાનો સાથે જોડાણ વધારશે અને સ્થાનિક અને આંતરરાષ્ટ્રીય પર્યટનમાં વધારો કરશે તથા આ ક્ષેત્રનો એકંદર સામાજિક-આર્થિક વિકાસ અને નવા રોજગાર અને વ્યવસાયની તકો પૂરી પાડવામાં પણ મહત્વની ભૂમિકા ભજવશે.