વાઈસ એડમિરલ દિનેશ ત્રિપાઠી 26માં નેવી ચીફ બન્યા, નવી દિલ્હીમાં ચાર્જ સંભાળ્યો
Live TV
-
વાઈસ એડમિરલ દિનેશ ત્રિપાઠી 26માં નેવી ચીફ બન્યા, નવી દિલ્હીમાં ચાર્જ સંભાળ્યો
દેશના 26માં નેવી ચીફ તરીકે વાઈસ એડમિરલ દિનેશ કે. ત્રિપાઠીએ નવી દિલ્હીમાં ચાર્જ સંભાળ્યો. અગાઉ તેમણે રાષ્ટ્રીય યુદ્ધ સ્મારક પર પુષ્પાંજલિ અર્પણ કરી હતી. સાઉથ બ્લોકમાં ગાર્ડ ઓફ ઓનર બાદ તેમણે આઉટગોઇંગ નેવી ચીફ એડમિરલ આર હરિ કુમાર પાસેથી ચાર્જ સંભાળ્યો હતો.
વાઈસ એડમિરલ દિનેશ કેએ 19 એપ્રિલે નેવી ચીફ તરીકેનો ચાર્જ સંભાળ્યો હતો . ત્રિપાઠીને ભારતીય નૌકાદળના આગામી વડા તરીકે નિયુક્ત કરવામાં આવ્યા હતા. તેઓ હાલમાં નેવીમાં વાઈસ ચીફ ઓફ નેવલ સ્ટાફ તરીકે ફરજ બજાવતા હતા. એડમિરલ આર હરિ કુમાર, જેમણે 30 નવેમ્બર, 2021 ના રોજ દેશના 25મા નેવી ચીફ તરીકેનો ચાર્જ સંભાળ્યો હતો, તેઓ 30 એપ્રિલના રોજ બપોરે નિવૃત્ત થયા હતા. તેથી વાઈસ એડમિરલ ત્રિપાઠીએ આજે જ નવા નેવી ચીફ તરીકેનો ચાર્જ સંભાળી લીધો છે.
દિનેશ ત્રિપાઠી 01 જુલાઈ 1985ના રોજ ભારતીય નૌકાદળની એક્ઝિક્યુટિવ બ્રાન્ચમાં કમિશન્ડ થયા. તેમણે નૌકાદળમાં અત્યાર સુધીમાં લગભગ 39 વર્ષ સુધી વિશિષ્ટ સેવા આપી છે. તેમની પાસે કોમ્યુનિકેશન અને ઈલેક્ટ્રોનિક યુદ્ધમાં નિપુણતા છે. નૌકાદળના વાઇસ ચીફ તરીકેનો ચાર્જ સંભાળતા પહેલા, તેમણે પશ્ચિમી નૌકા કમાન્ડના ફ્લેગ ઓફિસર કમાન્ડિંગ-ઇન-ચીફ તરીકે સેવા આપી હતી. તેમને પરમ વિશિષ્ટ સેવા મેડલ, અતિ વિશિષ્ઠ સેવા મેડલ અને નેવી મેડલ એનાયત કરવામાં આવ્યા છે.
વાઈસ એડમિરલના હોદ્દા પર, તેમણે પ્રતિષ્ઠિત ભારતીય નેવલ એકેડમી, એઝિમાલા, નેવલ ઓપરેશન્સના ડાયરેક્ટર જનરલ, ચીફ ઓફ પર્સનલ અને ફ્લેગ ઓફિસર કમાન્ડિંગ-ઈન-ચીફ, વેસ્ટર્ન નેવલ કમાન્ડના કમાન્ડન્ટ તરીકે સેવા આપી છે. સૈનિક સ્કૂલ, રીવા અને નેશનલ ડિફેન્સ એકેડેમી ખડકવાસલાના ભૂતપૂર્વ વિદ્યાર્થી, વાઈસ એડમિરલ દિનેશ કુમાર ત્રિપાઠીએ ડિફેન્સ સર્વિસ સ્ટાફ કોલેજ, વેલિંગ્ટન, નેવલ હાયર કમાન્ડ કોર્સ, કારંજ અને યુનાઈટેડ સ્ટેટ્સ નેવલ વોર કોલેજ, યુએસએ ખાતે નેવલ કમાન્ડ કોલેજમાં અભ્યાસક્રમો પૂર્ણ કર્યા છે.