'સ્વચ્છ સાગર, સુરક્ષિત સાગર' સંદેશ સાથે સમગ્ર દેશનાં 75 સમુદ્ર કિનારે 75 દિવસનું સફાઈ અભિયાન આજથી શરૂ

દેશમાં આજથી 17 સપ્ટેમ્બર સુધી 75 દિવસ માટે 75 સમુદ્ર કિનારે સફાઈ અભિયાન શરૂ કરવામાં આવશે. જેમાં સમુદ્ર કિનારા પર થતી ગંદકીને 75 દિવસ સુધી સતત સાફ કરવામાં આવશે. આ અભિયાનનું લક્ષ્ય સમુદ્ર કિનારાથી 1500 ટન કચરો હટાવવાનો છે. જેનાથી સમુદ્ર કિનારે રહેતા લોકોને પણ મોટા પ્રમાણમાં ફાયદો થશે. આ દેશનું પહેલું સૌથી મોટું સમુદ્ર કિનારાને સાફ કરવાનું અભિયાન હશે, જેમાં ખુબ મોટા પ્રમાણમાં લોકો ભાગ લેશે. 17 સપ્ટેમ્બર, 2022 આંતરરાષ્ટ્રીય Coastal Cleanup Day સુધી આ અભિયાન શરૂ રહેશે. આ અભિયાનનું આયોજન આઝાદીનાં અમૃત મહોત્સવ અંતર્ગત કરવામાં આવી રહ્યું છે. આ જ અભિયાન અંતર્ગત ઓડિશાનાં દરિયાકિનારે વિદ્યાર્થીઓએ સફાઈ અભિયાન ચલાવ્યું.