જામનગર મહાનગર પાલિકા દ્વારા કરાઈ વેસ્ટ ટુ એનર્જી પ્લાન્ટની સ્થાપના

પ્રધાનમંત્રી નરેન્દ્ર મોદીના સ્વપ્ન સ્વચ્છ ભારત અભિયાન અંતર્ગત જામનગર મહાનગર પાલિકા દ્વારા ગાંધીનગર ખાતે વેસ્ટ ટુ એનર્જી પ્લાન્ટની સ્થાપના કરવામાં આવી છે. જેનું લોકાર્પણ આગામી દિવસોમાં કરવામાં આવશે. આ પ્રોજેકટ અંતર્ગત દરરોજ શહેરનો આશરે 600 ટન જેટલો કચરો કંપની દ્વારા લેવામાં આવશે અને તેમાંથી વીજળી સપ્લાય જેવી અનેક પ્રોડક્ટ ઉત્પન્ન કરવાં આવશે તેમજ શહેરમાંથી કચરાનો નિકાલ કરવામાં આવશે.
આ ઉપરાંત આ સ્થળ જામનગર મહાનગર પાલિકા દ્વારા રમણીય અને જોવાલાયક બનાવવામાં આવ્યું છે. જામનગર મહાનગર પાલિકા દ્વારા બે વર્ષની જહેમત બાદ આ પ્લાન્ટ તૈયાર કરવામાં આવ્યો છે અને ગુજરાત રાજ્યનો આ પ્રથમ પ્લાન્ટ થશે. આ પ્લાન્ટ મારફત વીજળી ઉત્પન્ન કરવામાં આવશે તેમજ તેની સાથે શહેરના પર્યાવરણને પણ ઘણો ફાયદો થશે. શહેરમાં અનેક જગ્યાએ બનેલા કચરાના ડંપિંગ પોઈન્ટ પણ આ પ્લાન્ટ આવતા નાબૂદ થશે. તાજેતરમાં જ મેયર અને પદાધિકારીઓ દ્વારા આ પ્લાન્ટની મુલાકાત લઈ ટેસ્ટિંગ પણ કરી લેવામાં આવ્યું છે. હવે આ પ્લાન્ટને આવનારા સમયમાં ચાલુ કરવામાં આવશે.