ઈંગ્લેન્ડ અને ઓસ્ટ્રેલિયા વચ્ચે રમાયેલી પહેલી ટેસ્ટ મેચમાં ઓસ્ટ્રેલિયાની જીત

ઈંગ્લેન્ડ અને ઓસ્ટ્રેલિયા વચ્ચે રમાઈ રહેલી એશેજ સિરીઝની પહેલી ટેસ્ટ મેચમાં ઓસ્ટ્રેલિયાએ જીત મેળવી છે. જીત માટે મળેલા 20 રનનાં લક્ષ્યને ઓસ્ટ્રેલિયાએ માત્ર એક વિકેટ ગુમાવી હાંસલ કરીને ઈંગ્લેન્ડને 9 વિકેટથી હરાવી મેચ પોતાના નામે કરી હતી. આ પહેલા ટેસ્ટ મેચમાં આજે શરૂ થયેલી ચોથા દિવસની રમતમાં ઈંગ્લેન્ડે 2 વિકેટ 220 રનથી રમવાનું શરૂ કર્યું હતું. જોકે ખેલાડીઓની એક બાદ એક વિકેટ પડતા સમગ્ર ટીમ 297 રન બનાવીને ઓલ આઉટ થઈ ગઈ હતી. આ જીત સાથે 5 ટેસ્ટ મેચની સિરીઝમાં ઓસ્ટ્રેલિયાએ 1-0 ની સરસાઈ મેળવી છે. સિરીઝની બીજી ટેસ્ટ મેચ 16 ડિસેમ્બરે એડિલેડમાં રમાશે. આ ટેસ્ટ મેચમાં ઓસ્ટ્રેલિયાનાં સ્પીનર નેથન લ્યોને 4 વિકેટ ઝડપી હતી. તેઓ 400 ટેસ્ટ વિકેટ લેનારા 17 માં ખેલાડી બન્યા છે.