ઈન્ડિયન વુમન્સ ટીમે ચોથી T20I 30 રનથી જીતી:શેફાલી અને મંધાનાની 162 રનની પાર્ટનરશિપ; શ્રીલંકા સામે સિરીઝમાં 4-0ની લીડ મેળવી

રવિવારે ભારતીય મહિલા ટીમે શ્રીલંકાને પોતાનો સર્વોચ્ચ T20I સ્કોર બનાવીને હરાવ્યું. ટીમે ચોથી મેચ 30 રનથી જીતી. શ્રીલંકાએ તિરુવનંતપુરમના ગ્રીનફિલ્ડ સ્ટેડિયમમાં બોલિંગ કરવાનો નિર્ણય લીધો. ભારતે 221 રન બનાવ્યા, જેમાં શેફાલી વર્મા અને સ્મૃતિ મંધાનાએ 162 રનની ઓપનિંગ ભાગીદારી કરી.

મોટા લક્ષ્યનો સામનો કરી રહેલા શ્રીલંકાના કેપ્ટન ચમારી અતાપટ્ટુએ ફિફ્ટી ફટકારી, પરંતુ ટીમ ફક્ત 191 રન જ બનાવી શકી. આ શ્રીલંકાનો T20Iમાં શ્રેષ્ઠ સ્કોર રહ્યો. ભારત માટે વૈષ્ણવી શર્મા અને અરુંધતી રેડ્ડીએ બે-બે વિકેટ લીધી. ચોથી મેચ જીતીને, ભારતે સિરીઝમાં 4-0ની અજેય લીડ મેળવી. પાંચમી મેચ 30 ડિસેમ્બરે તિરુવનંતપુરમમાં રમાશે.

ઓપનર સ્મૃતિ મંધાના અને શેફાલી વર્માની અડધી સદીની મદદથી ભારતે 2 વિકેટે 221 રન બનાવ્યા. શેફાલીએ શ્રેણીમાં સતત ત્રીજી અડધી સદી ફટકારી, જેમાં તેણે 79 રન બનાવ્યા. મંધાનાએ 35 બોલમાં અડધી સદી પૂરી કરી અને 80 રન બનાવીને આઉટ થઈ ગઈ. આ ઇનિંગ સાથે, મંધાનાએ 10,000 આંતરરાષ્ટ્રીય રન પણ પૂર્ણ કર્યા, અને આ સિદ્ધિ મેળવનારી ચોથી મહિલા ક્રિકેટર બની.

રિચા ઘોષે 16 બોલમાં અણનમ 40 રન બનાવ્યા. કેપ્ટન હરમનપ્રીત કૌર 10 બોલમાં 16 રન બનાવીને અણનમ રહી. ભારતીય ટીમે પ્રથમ ત્રણ ટી20 મેચ જીતીને સિરીઝમાં 3-0ની અજેય લીડ મેળવી છે. ટીમે બે મેચ 8 વિકેટે અને એક મેચ 7 વિકેટે જીતી.

ભારતની વાઈસ કેપ્ટન સ્મૃતિ મંધાનાએ 10 હજાર ઈન્ટરનેશનલ રન પૂરા કરી લીધા છે. તેણે સાતમી ઓવરમાં સિંગલ લઈને આ રેકોર્ડ બનાવ્યો. તે આવું કરનારી ચોથી જ મહિલા ક્રિકેટર બની છે. તેની પહેલા ભારતની જ મિતાલી રાજ, ન્યૂઝીલેન્ડની સૂઝી બેટ્સ અને ઇંગ્લેન્ડની શાર્લોટ એડવર્ડ્સ જ આવું કરી શકી છે. મિતાલી 10,868 રન સાથે વુમન્સ ક્રિકેટની ટૉપ સ્કોરર છે.

સ્મૃતિ મંધાનાએ આ સિરીઝમાં પહેલી ફિફ્ટીફટકારી છે.  ઈન્ડિયન ઇનિંગની 11મી ઓવરમાં શેફાલી વર્માએ ચોગ્ગો ફટકારીને 30 બોલમાં પોતાની ફિફ્ટી પૂરી કરી લીધી. તેણે નિમાષા મદુશાની સામે ઓવરના ત્રીજા બોલ પર છગ્ગો પણ ફટકાર્યો. શેફાલી વર્માએ આ T20 સિરીઝમાં સતત ત્રીજી ફિફ્ટી ફટકારી છે.