ગાંધીનગરમાં વેઇટલિફ્ટિંગનો રોમાંચ: ઉત્તર કોરિયાનો વર્લ્ડ રેકોર્ડ, ભારતની હરજિન્દર કૌરને સ્નેચમાં બ્રોન્ઝ મેડલ

ગુજરાતના પાટનગર ગાંધીનગર ખાતે રમાઈ રહેલી ૨૦૨૬ એશિયન વેઇટલિફ્ટિંગ ચેમ્પિયનશિપ (AWF) માટે ઐતિહાસિક દિવસ છે. મહાત્મા મંદિર એક્ઝિબિશન હોલ ખાતે મહિલાઓની 69 કિલોગ્રામ કેટેગરીમાં ઉત્તર કોરિયાની મહિલા ખેલાડીએ નવો વર્લ્ડ રેકોર્ડ સ્થાપિત કર્યો છે, જ્યારે ભારતીય ખેલાડીએ પણ શાનદાર પ્રદર્શન કરીને હોમ ક્રાઉડને ખુશ થવાની તક આપી. ઉત્તર કોરિયાની સોંગ કુક હ્યાંગે અદભુત પ્રદર્શન કરતાં ત્રણ ગોલ્ડ મેડલ પોતાના નામે કર્યા છે. તેણે ક્લીન એન્ડ જર્ક તેમજ ટોટલ કેટેગરીમાં નવા રેકોર્ડ્સ બનાવ્યા છે. સોંગ કુક હ્યાંગે 112 કિગ્રા સ્નેચ અને 151 કિગ્રા ક્લીન એન્ડ જર્ક સાથે કુલ 263 કિગ્રા વજન ઉઠાવીને આ જીત મેળવી છે.

ગુજરાતના પાટનગર ગાંધીનગર ખાતે રમાઈ રહેલી ૨૦૨૬ એશિયન વેઇટલિફ્ટિંગ ચેમ્પિયનશિપ (AWF) માટે ઐતિહાસિક દિવસ છે. મહાત્મા મંદિર એક્ઝિબિશન હોલ ખાતે મહિલાઓની 69 કિલોગ્રામ કેટેગરીમાં ઉત્તર કોરિયાની મહિલા ખેલાડીએ નવો વર્લ્ડ રેકોર્ડ સ્થાપિત કર્યો છે, જ્યારે ભારતીય ખેલાડીએ પણ શાનદાર પ્રદર્શન કરીને હોમ ક્રાઉડને ખુશ થવાની તક આપી.

ઉત્તર કોરિયાની સોંગ કુક હ્યાંગે અદભુત પ્રદર્શન કરતાં ત્રણ ગોલ્ડ મેડલ પોતાના નામે કર્યા છે. તેણે ક્લીન એન્ડ જર્ક તેમજ ટોટલ કેટેગરીમાં નવા રેકોર્ડ્સ બનાવ્યા છે. સોંગ કુક હ્યાંગે 112 કિગ્રા સ્નેચ અને 151 કિગ્રા ક્લીન એન્ડ જર્ક સાથે કુલ 263 કિગ્રા વજન ઉઠાવીને આ જીત મેળવી છે.

કોણે કયા નવા રેકોર્ડ બનાવ્યા?

(New Records) સોંગ કુક હ્યાંગે ક્લીન એન્ડ જર્ક ઇવેન્ટમાં ૧૫૧ કિગ્રા વજન ઉપાડીને બે મોટા રેકોર્ડ પોતાના નામે કર્યા:

• IWF વર્લ્ડ રેકોર્ડ (WR): ૧૫૧ કિલોગ્રામ (ક્લીન એન્ડ જર્ક)

• AWF એશિયન રેકોર્ડ (AR): ૧૫૧ કિલોગ્રામ (ક્લીન એન્ડ જર્ક)

ભારતની સ્ટાર વેટલિફ્ટર હરજિન્દર કૌરે સ્થાનિક પ્રેક્ષકોની હાજરીમાં પ્રશંસનીય પ્રદર્શન કર્યું હતું. તેણે સ્નેચ ઇવેન્ટમાં 96 કિગ્રા વજન ઉઠાવીને ભારત માટે બ્રોન્ઝ મેડલ જીત્યો હતો. જો કે, ઓવરઓલ (કુલ) 217 કિગ્રા (96 કિગ્રા સ્નેચ + 121 કિગ્રા ક્લીન એન્ડ જર્ક) ના સ્કોર સાથે તે સહેજ માટે પોડિયમ ફિનિશ ચૂકી ગઈ હતી અને ઓવરઓલ રેન્કિંગમાં ચોથા ક્રમે રહી હતી.

ઇન્ડિયન વેઇટલિફ્ટિંગ ફેડરેશનના પ્રમુખે તમામ મેડલ વિજેતા ખેલાડીઓને આ ઐતિહાસિક પ્રદર્શન બદલ ખૂબ-ખૂબ અભિનંદન પાઠવ્યા છે. ફેડરેશનના ચીફ એક્ઝિક્યુટિવ ઓફિસર (CEO) અશ્વાની કુમારે જણાવ્યું છે કે ભારતમાં યોજાઈ રહેલી આ ટુર્નામેન્ટ એશિયાની શ્રેષ્ઠ વેઇટલિફ્ટિંગ પ્રતિભાઓને એક વૈશ્વિક મંચ પૂરું પાડી રહી છે. ગાંધીનગરમાં યોજાઈ રહેલી આ એશિયન ચેમ્પિયનશિપ રમતપ્રેમીઓ માટે યાદગાર સાબિત થઈ રહી છે. વૈશ્વિક સ્તરના રેકોર્ડ્સ તૂટવા અને ભારતીય ખેલાડીઓનું મેડલ સુધી પહોંચવું એ દર્શાવે છે કે એશિયાઈ દેશો આગામી ઓલિમ્પિક અને આંતરરાષ્ટ્રીય સ્પર્ધાઓ માટે સંપૂર્ણ રીતે સજ્જ છે