ટોક્યો ઓલ્મિપિક 2020 માટે ભારતીય એથ્લીટ્સની પ્રથમ બેચ દિલ્હી એરપોર્ટથી રવાના

જાપાનના ટોક્યો ખાતે યોજાનાર ટોક્યો ઓલ્મિપિક માટે ભારતીય એથ્લીટ્સ સંપૂર્ણ રીતે સજ્જ થઈ ગયા છે. ગઈકાલે રાત્રે ભારતીય એથ્લીટ્સની પ્રથમ બેચ દિલ્હી એરપોર્ટથી ટોક્યો જવા રવાના થઈ છે. આ તકે કેન્દ્રીય યુવા અને રમતગમત મંત્રી અનુરાગ ઠાકુર અને રાજ્યમંત્રી નિસિથ પ્રામાણિકે દિલ્હી એરપોર્ટથી એથ્લીટ્સના પ્રથમ બેચને શુભેચ્છાઓ આપીને ટોક્યો જવા રવાના કર્યા હતા. 
આ પ્રથમ બેચ અંતર્ગત 88 સભ્યોની ટુકડી રવાના થઈ છે, જેમાં 54 એથ્લીટ્સ છે જયારે બાકીના તેમની સાથે સહયોગી સ્ટાફ, ભારતીય ઓલ્મિપિક સંઘના પ્રતિનિધિ ટોક્યો જવા રવાના થયા છે. આ વખતે ભારતીય એથ્લીટ્સ તરફથી દેશને કુસ્તી, બોક્સિંગ અને શુટિંગ સહિત ટેનિસ અને તિરંદાજીમાં પદકની આશા છે.