ડુડિંસ્કા એથ્લેટિક્સ મીટમાં રામ બાબૂએ પેરિસ 2024 ઓલિમ્પિક રેસમાં ક્વોલિફાઈંગ પડાવને કર્યો પૂર્ણ

જોકે પેરુના સેઝર ઓગસ્ટો રોડ્રિગ્ઝે 1:19:41 ના સમયમાં સ્પર્ધા પૂર્ણ કરી સાથે સુવર્ણ પદક જીત્યો હતો

ભારતના રામ બાબુએ શનિવારે સ્લોવાકિયાના ડુડિંસ્કમાં ડુડિંસ્કા 50 2024 એથ્લેટિક્સ સ્પર્ધામાં પુરુષોની 20 કિમી રેસ વોક ઇવેન્ટમાં બ્રોન્ઝ મેડલ જીત્યો હતો. 24 વર્ષીય બાબુએ આ ઈવેન્ટ માટે સેટ કરેલ 1:21:10 ના પેરિસ ઓલિમ્પિક ક્વોલિફાઈંગ સ્ટાન્ડર્ડને પૂર્ણ કરવા માટે એક કલાક અને 20 મિનિટ (1:20:00) ઘડી કાઢ્યા હતા.

જોકે પેરુના સેઝર ઓગસ્ટો રોડ્રિગ્ઝે 1:19:41 ના સમયમાં સ્પર્ધા પૂર્ણ કરી સાથે સુવર્ણ પદક જીત્યો હતો. જ્યારે ઇક્વાડોરના બ્રાયન ડેનિયલ પિન્ટાડોએ 1:19:44 ના સમયમાં સ્પર્ધા પૂર્ણ કરી સિલ્વર મેડલ જીત્યો હતો. બાબુએ ડુડિંસ્કા 50માં પણ એક નવો વ્યક્તિગત સર્વશ્રેષ્ઠ રેકોર્ડ સિદ્ધ કર્યો છે. 20km રેસ વોક કેટેગરીમાં તેનો અગાઉનો વ્યક્તિગત સર્વશ્રેષ્ઠ 1:21:04 હતો, જે તેણે આ વર્ષે જાન્યુઆરીમાં ચંદીગઢમાં 2024 સાઉથ એશિયન અને ઈન્ડિયન રેસ વોકિંગ ચેમ્પિયનશિપમાં સેટ કર્યો હતો.

ત્યારે એશિયન ગેમ્સના બ્રોન્ઝ મેડલ વિજેતા રામ બાબુ પેરિસ 2024 ઓલિમ્પિક ક્વોલિફાઈંગ સ્ટાન્ડર્ડ બ્રેક કરનાર સાતમા ભારતીય રેસ વોકર છે. આ પહેલા અક્ષદીપ સિંહ, વિકાસ સિંહ, પરમજીત બિષ્ટ, સૂરજ પંવાર, સર્વિન સેબેસ્ટિયન અને અર્શપ્રીત સિંહે આ સિદ્ધિ મેળવી હતી. જો કે, દરેક નેશનલ ફેડરેશન પેરિસ 2024 ઓલિમ્પિકમાં પુરુષોની 20 કિમી રેસ વોક ઇવેન્ટ માટે વધુમાં વધુ ત્રણ એથ્લેટ મોકલી શકે છે. 

તે ઉપરાંત આ સ્પર્ધામાં પ્રવેશ કરવા તે ઓલિમ્પિક લાયકાત પ્રક્રિયાનો માત્ર એક ભાગ છે. પેરિસ 2024 ઓલિમ્પિક ગેમ્સ માટે NOC ટીમ માટે કોની પસંદગી કરવામાં આવશે તે અંગે અંતિમ નિર્ણય નેશનલ ઓલિમ્પિક કમિટી (NOC) પાસે છે. એથ્લેટિક્સ ફેડરેશન ઓફ ઈન્ડિયા (AFI) અનુસાર, અંતિમ પસંદગી જૂનમાં કરવામાં આવશે. જોકે અક્ષદીપ, અર્શપ્રીત, વિકાસ, પરમજીત અને સરવિન સાથે એકનાથ તુરામ્બેકરને પણ શરૂઆતમાં ડુડિંસ્કા 50 માટે એન્ટ્રી લિસ્ટમાં સામેલ કરવામાં આવ્યા હતા, પરંતુ તેમાંથી કોઈએ રેસમાં ભાગ લીધો ન હતો.