દીવમાં આજથી બીચ ગેમ ફેસ્ટિવલની શરૂઆત, 1200થી વધુ ખેલાડીઓ ભાગ લેશે

અલગ અલગ રાજ્યો તેમ જ કેન્દ્રશાસિત પ્રદેશના 1200થી પણ વધુ ખેલાડીઓ ભાગ લેશે.

દીવમાં આજથી રાષ્ટ્રીય કક્ષાનો બીચ ગેમ ફેસ્ટિવલની શરૂઆત, ઘોઘલા બીચ પર ગેમ્સનું આયોજન કરવામાં આવ્યું છે. જેમાં અલગ અલગ રાજ્યો તેમ જ કેન્દ્રશાસિત પ્રદેશના 1200થી પણ વધુ ખેલાડીઓ ભાગ લેશે. કુલ આઠ પ્રકારની અલગ અલગ બીચ ગેમમાં 1200 ખેલાડીઓ પોતાનું કૌવત દર્શાવશે હાલ દિવમાં બીચ ગેમ ફેસ્ટિવલને લઈને ખૂબ જ સુંદર માહોલ જોવા મળી રહ્યો છે અનેક જગ્યાઓ ઉપર ખેલાડીઓ જોવા મળી રહ્યા છે જે અલગ અલગ રાજ્યોમાંથી આવેલા છે

પ્રધાનમંત્રી નરેન્દ્ર મોદી મલ્ટી સ્પોર્ટ્સ બીચ ગેમ્સમાં શામેલ થનાર તમામ ખેલાડીઓને વર્ચ્યુઅલી સંબોધન કરશે. કેન્દ્રીય યુવા કાર્યક્રમ અને રમતગમત મંત્રી અનુરાગ સિંહ ઠાકુર મુખ્ય અતિથિ તરીકે ઉપસ્થિત રહેશે. અનુરાગ સિંહ ઠાકુર મલાલા ઓડિટોરિયમ દીવમાં માય ભારત કાર્યક્રમમાં શામેલ થશે. કેન્દ્ર શાસિત પ્રદેશ દીવ, દમણ અને નાગર હવેલીના પ્રશાસક પ્રફુલ પટેલ સાથે ચર્ચા કરશે. બીચ ગેમ્સમાં મલખંભ, કબડ્ડી અને ટગ ઓફ વોર, વોલીબોલ, પેનચાક સિલાટ, મુક્કેબાજી, ફૂટબોલ સહિત આઠ ગેમ્સ શામેલ કરવામાં આવી છે. બીચ ગેમ્સનો સમાપન સમારોહ INS ખુકરી સ્મારકમાં આયોજિત કરવામાં આવશે.