પહેલી ખેલો ઈન્ડિયા મહિલા જુડો ટુર્નામેન્ટ 27 ઓગસ્ટે ગુવાહાટીમાં

પહેલી ખેલો ઇન્ડિયા વિમેન્સ જુડો ટુર્નામેન્ટ 27 ઓગસ્ટથી ભારતમાં ચાર ઝોનમાં યોજાવાની છે. જુડો ટુર્નામેન્ટ એ ભારત સરકારના ફ્લેગશિપ પ્રોગ્રામ દ્વારા મહિલાઓ માટે રમતગમતની સ્પર્ધાઓને સમર્થન આપવા યુવા બાબતો અને રમત મંત્રાલય દ્વારા હાથ ધરવામાં આવેલી ખેલો ઈન્ડિયા બીજી પહેલ છે. રાષ્ટ્રીય રાઉન્ડ પહેલા ચાર ઝોનમાં યોજાનારી આ ટુર્નામેન્ટ ઓપન ઝોનલ સ્તરની રેન્કિંગ ટુર્નામેન્ટ છે. સ્પર્ધકોની શ્રેણી ચાર વય જૂથોમાં છે. રમતગમત વિભાગ, યુવા બાબતો અને રમત મંત્રાલયે આ ટુર્નામેન્ટના આયોજન માટે કુલ 1.74 કરોડ રૂપિયા ફાળવ્યા છે, જેમાં 48.86 લાખ રૂપિયાની ઈનામી રકમનો સમાવેશ થાય છે.

બર્મિંગહામમાં કોમનવેલ્થ ગેમ્સ 2022માં સિલ્વર મેડલ જીતનાર સુશીલા દેવીએ કહ્યું, “હું જુડો ફેડરેશન ઓફ ઈન્ડિયા અને સ્પોર્ટ્સ ઓથોરિટીનો આભાર માનું છું કે તેઓ જુડો માટે આવી સ્પર્ધાનું આયોજન કરે છે અને દેશમાં રમતને આગળ લઈ જવા માટે તમામ પગલાં લે છે. આ ખરેખર ભારતમાં જુડોના વધુ વિકાસમાં મદદ કરશે.” આ ટુર્નામેન્ટ ભારતમાં SAI કેન્દ્ર ગુવાહાટી-આસામ, VKN મેનન સ્ટેડિયમ-થ્રિસુર(કેરળ), પેસ્ટલ વૂડ સ્કૂલ-દેહરાદૂન (ઉત્તરાખંડ) તથા સરદાર પટેલ સ્પોર્ટ્સ કોમ્પ્લેક્સ-ગુજરાત એમ ચાર ઝોનમાં યોજાશે. આ ટુર્નામેન્ટ ચારેય ઝોનમાં સ્પર્ધા પુર્ણ થયા બાદ, નેશનલ રાઉન્ડ નવી દિલ્હીના કેડી જાધવ ઇન્ડોર સ્ટેડિયમ ખાતે 20-23 ઓક્ટોબરના રોજ યોજાનાર છે.