પ્રથમ વનડેમાં ભારતે દક્ષિણ આફ્રિકા 8 વિકેટથી હરાવ્યું, ભારતીય બોલર્સનું શાનદાર પ્રદર્શન

ભારત અને દક્ષિણ આફ્રિકા વચ્ચે વન-ડે શ્રેણીની પ્રથમ મેચ જોહાન્સબર્ગના વાંડરર્સમાં રમાઇ હતી.

ભારત અને દક્ષિણ આફ્રિકા વચ્ચે વન-ડે શ્રેણીની પ્રથમ મેચ જોહાન્સબર્ગના વાંડરર્સમાં રમાઇ હતી. સાઉથ આફ્રિકાએ ટોસ જીતીને પ્રથમ બેટિંગ કરવાનું પસંદ કર્યું હતું. ટીમ 27.3 ઓવરમાં 116 રન બનાવીને ઓલઆઉટ થઈ ગઈ હતી. જેમાં અર્શદીપે 5 અને આવેશને 4 વિકેટ ખેરવી હતી. તો જવાબમાં ભારતે 117 રનનો ટાર્ગેટ માત્ર 16.4 ઓવરમાં ચેઝ કરી લીધો હતો. જેમાં સૌથી વધુ 55 રન સુદર્શને ફટકાર્યા હતા. સાથે જ શ્રેયસ અય્યરે પણ 52 રનનું યોગદાન આપ્યું હતું. આમ ભારતે 3 મેચની સિરીઝમાં 1-0ની લીડ મેળવી લીધી છે. તો બીજી વન-ડે 19 ડિસેમ્બરે કેબરાના સેન્ટ જ્યોર્જ પાર્ક સ્ટેડિયમમાં યોજાશે.