ભારતે અફઘાનિસ્તાનને પ્રથમ T20માં 6 વિકેટથી હરાવીને 1-0ની લીડ મેળવી

ભારતે 17.3 ઓવરમાં 159 રન કરીને મેચ જીતી લીધી હતી.

ભારતે અફઘાનિસ્તાનને ત્રણ મેચની શ્રેણીની પ્રથમ T20 માં છ વિકેટે હરાવ્યું છે. અફઘાનિસ્તાને 20 ઓવરમાં 5 વિકેટે 158 રન બનાવ્યા હતા. ભારતે 17.3 ઓવરમાં ચાર વિકેટ ગુમાવીને 159 રન કરીને મેચ જીતી લીધી હતી. ભારત તરફથી શિવમ દુબેએ અણનમ 60 રન બનાવ્યા હતા. અફઘાનિસ્તાન તરફથી મોહમ્મદ નબીએ 42 રન બનાવ્યા હતા. ભારત તરફથી મુકેશ કુમાર અને અક્ષર પટેલે 2-2 વિકેટ ખેરવી હતી. અફઘાનિસ્તાન તરફથી મુજીબ ઉર રહેમાને બે વિકેટ લીધી હતી. શિવમ દુબેને પ્લેયર ઓફ ધ મેચ જાહેર કરવામાં આવ્યો હતો. આ જીત સાથે ભારતે ત્રણ મેચની શ્રેણીમાં 1-0ની સરસાઈ મેળવી લીધી છે. સીરિઝની બીજી મેચ રવિવારે 14 જાન્યુઆરીના રોજ ઇન્દોરમાં ભારતીય સમય અનુસાર સાંજે સાત વાગે ઇન્દોરમાં રમાશે.