ભારત-ન્યુઝીલેન્ડ વચ્ચે આજે બીજી વન-ડે રમાશે, ન્યુઝીલેન્ડ સીરિઝ બરાબર કરવાનો પ્રયત્ન કરશે 

ભારત અને ન્યૂઝિલેન્ડ વચ્ચે ત્રણ મેચની વનડે સીરિઝની બીજી મેચ આજે રાયપુરમાં રમાશે. ભારતની ટીમે હૈદરાબાદમાં રમાયેલી પ્રથમ મેચમાં ન્યૂઝીલેન્ડને 12 રને પરાજય આપ્યો  હતો. ભારત આમ સીરીઝમાં 1-0 થી આગળ છે. ન્યૂઝિલેન્ડ સીરીઝ બચાવવા મેદાનમાં ઉતરશે.

ભારત અને ન્યૂઝીલેન્ડ વચ્ચે ત્રણ મેચની વન-ડે સિરીઝની પહેલી મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાઈ ગઈ હતી. આ મેચમાં ટીમ ઈન્ડિયાએ ન્યૂઝીલેન્ડને રોમાંચક મેચમાં 12 રને હરાવ્યું હતું. કિવી ટીમ તરફથી માઇકલ બ્રેસવેલે લડાયક 78 બોલમાં 140 રન ફટકાર્યા હતા. મિચેલ સેન્ટનરે 57 રન બનાવ્યા હતા. આ બન્ને વચ્ચે 162 રનની પાર્ટનરશિપ થઈ હતી. ન્યૂઝીલેન્ડ 49.2 ઓવરમાં 337 રનમાં ઓલઆઉટ થઈ ગઈ હતી. આ હાઇસ્કોરિંગ મેચમાં કિવીઝના માઇકલ બ્રેસવેલે શાનદાર લડત આપી હતી. ટીમ ઈન્ડિયા તરફથી સૌથી વધુ મોહમ્મદ સિરાજે 4 વિકેટ ઝડપી હતી. તો કુલદીપ-શાર્દૂલને 2-2 વિકેટ મળી હતી. મોહમ્મદ શમી અને હાર્દિકે 1-1 વિકેટ લીધી હતી. 3 મેચની વન-ડે સિરીઝમાં ભારતે 1-0ની લીડ મેળવી લીધી છે.