ભારત ICC T-20 રેન્કિંગમાં ઇંગ્લેન્ડને પાછળ છોડી પહોચ્યું પ્રથમ સ્થાને

કોલકાતાના ઇડન ગાર્ડનમાં રમાયેલી T-20 સિરીઝની ત્રીજી અને અંતિમ મેચમાં ભારતે વેસ્ટ ઈન્ડિઝને 17 રનથી હરાવીને સિરીઝ 3-0થી પોતાના નામે કરી લીધી છે. ભારતે આપેલા 185 રનના લક્ષ્યાંકની વેસ્ટ ઇન્ડિઝે 20 ઓવરમાં 9 વિકેટના નુકશાન પર 167 રન જ કરી શકી હતી અને ભારતે આ સાથે 17 રને શાનદાર મેચમાં જીત મેળવી હતી. ભારતે T-20ની સીરીઝમાં સળંગ બે મેચ જીતીને કબજો તો કરી લીધો હતો અને અંતિમ મેચ પણ ભારતે જીતી લીધી હતી. આ પહેલા ભારતે વન-ડે સીરિઝ પણ 3-0થી પોતાના નામે કરી હતી. અગાઉ ત્રણ એક દિવસીય મેચ અમદાવાદના નરેન્દ્ર મોદી સ્ટેડીયમમાં રમાઈ હતી તેના પર પણ ભારતે કબજો જમાવ્યો હતો. કોલકાતામાં ત્રણ T-20 મેચની સીરીઝની આ અંતિમ મેચ હતી. મેચમાં સુર્યકુમાર યાદવ મેન ઓફ ઘ મેચ અને મેન ઓફ ધ સીરિઝ જાહેર થયા હતા. આ જીત સાથે ભારત ICC T-20 રેન્કિંગમાં ઇંગ્લેન્ડને પછાડીને પહેલા સ્થાન પર પહોંચી ગયું છે.