મનુ ભાકર મહિલાઓની 25 મીટર પિસ્તોલની ફાઇનલમાં થઇ ક્વોલિફાય

શાર્પશૂટર મનુ ભાકરે 2024 ઓલિમ્પિકમાં અભૂતપૂર્વ ત્રીજો મેડલ જીતવાની પોતાની આશા જીવંત રાખી છે કારણ કે તેણીએ શુક્રવારે ઓલમ્પીક ગેમ્સમાં 25 મીટર પિસ્તોલ મહિલા ફાઇનલમાં પ્રવેશ કર્યો છે. જે તેણીનો ત્રીજો મેડલ રાઉન્ડ હતો. 22 વર્ષની મનુએ 60-શોટ ક્વોલિફિકેશન રાઉન્ડમાં 590-24xનો સ્કોર કરીને બીજું સ્થાન મેળવ્યું હતું. તેણે ચોકસાઇના તબક્કામાં 294 નો અને ઝડપી તબક્કામાં તેણે 296 નો સ્કોર કર્યો હતો

શાર્પશૂટર મનુ ભાકરે 2024 ઓલિમ્પિકમાં અભૂતપૂર્વ ત્રીજો મેડલ જીતવાની પોતાની આશા જીવંત રાખી છે કારણ કે તેણીએ શુક્રવારે ઓલમ્પીક ગેમ્સમાં 25 મીટર પિસ્તોલ મહિલા ફાઇનલમાં પ્રવેશ કર્યો છે. જે તેણીનો ત્રીજો મેડલ રાઉન્ડ હતો. 22 વર્ષની મનુએ 60-શોટ ક્વોલિફિકેશન રાઉન્ડમાં 590-24xનો સ્કોર કરીને બીજું સ્થાન મેળવ્યું હતું. તેણે ચોકસાઇના તબક્કામાં 294 નો અને ઝડપી તબક્કામાં તેણે 296 નો સ્કોર કર્યો હતો.દરમિયાન આ ઈવેન્ટમાં એશિયન ગેમ્સ મેડલ વિજેતા અન્ય ભારતીય ઇશા સિંહ  581-17x સ્કોર કરીને 18મા સ્થાને રહી અને ફાઈનલ માટે ચૂકી ગઈ. શૂટિંગમાં ટોચના આઠ શૂટર્સ જ મેડલ રાઉન્ડમાં પહોંચી શકે છે.

હંગેરીની વેરોનિકા મેજર 592-27xના સ્કોર સાથે ક્વોલિફિકેશન સ્ટેજમાં ટોચ પર રહી અને ક્વોલિફિકેશન ઓલિમ્પિક રેકોર્ડની બરાબરી કરી. મહિલાઓની 25 મીટર પિસ્તોલની ફાઇનલ શનિવાર ભારતીય સમય અનુસાર બપોરે 1 કલાકે યોજાવાની છે.ક્વોલિફિકેશન તબક્કામાં, મનુને 294ના કુલ સ્કોર માટે 97, 98 અને 99ના સ્કોર સાથે પ્રિસિઝન રાઉન્ડ પછી ત્રીજા સ્થાને રાખવામાં આવી હતી. આ તબક્કામાં ઈશાને 291ના કુલ સ્કોર માટે 95, 96 અને 100ના સ્કોર સાથે 10મા સ્થાને રાખવામાં આવી હતી.ઝડપી રાઉન્ડમાં, મનુએ 100, 98 અને 98ના કુલ સ્કોર સાથે 296નો સ્કોર કર્યો અને બીજા સ્થાને પહોંચી ગઈ. બીજી તરફ ઈશા કુલ 97, 96 અને 97ના સ્કોર સાથે માત્ર 290 રન બનાવી શકી અને 18માં સ્થાને સરકી ગઈ.

જો તે શનિવારે મેડલ જીતે છે, તો મનુ એક જ ઓલિમ્પિકમાં વ્યક્તિગત ઈવેન્ટ્સમાં ત્રણ મેડલ જીતનારી પ્રથમ ભારતીય એથ્લેટ બની જશે.હરિયાણાની શૂટર ઓલિમ્પિકમાં તેની બીજી સ્પર્ધામાં પહેલાથી જ બે કાંસ્ય ચંદ્રક જીતી ચૂકી છે - પ્રથમ મહિલા 10 મીટર એર પિસ્તોલ સ્પર્ધામાં અને બીજો બ્રોન્ઝ પેરિસ ગેમ્સમાં 10 મીટર એર પિસ્તોલ મિશ્રિત ટીમ ઇવેન્ટમાં.તે ઓલિમ્પિક ગેમ્સમાં સૌથી સફળ ભારતીય શૂટર પણ બની શકે છે. જો તે એક જ ઓલિમ્પિકમાં ત્રણ મેડલ જીતશે તો તે અભૂતપૂર્વ ભારતીય રેકોર્ડ પણ હશે.