મહિલા વિશ્વ કપમાં ભારતની વેસ્ટ ઇન્ડીઝ સામે 155 રનની શાનદાર જીત

મહિલા વિશ્વ કપમાં આજે ભારત અને વેસ્ટ ઇન્ડીઝ વચ્ચે મેચ રમાઈ છે. ભારતે વેસ્ટ ઇન્ડીઝ સામે 155 રનની શાનદાર જીત મેળવી છે. ગ્રુપ સ્ટેજના આ મુકાબલામાં ભારતે ટોસ જીતીને બેટિંગ કરવાનો નિર્ણય લીધો હતો. ભારતીય ટીમે બેટિંગમાં શ્રેષ્ઠ પ્રદર્શન કરીને વેસ્ટ ઇન્ડીઝને 318 રનનો લક્ષ્ય આપ્યો હતો. ભારતે 8 વિકેટ ગુમાવીને 317 રન કર્યા હતા. ભારત તરફથી સ્મ્રિતિ મન્ધાનાએ 119 બોલમાં 123 અને હરમનપ્રીત કૌરે 107 બોલમાં 109 રન કરીને શાનદાર સદી ફટકારી હતી. ભારતની આ ત્રીજી ગ્રુપ સ્ટેજ મેચ હતી. આજની આ મેચમાં ભારતીય ટીમમાં કોઈ ફેરફાર કરવામાં આવ્યો નથી. ગત 2 મેચમાં ભારતે એક મેચમાં જીત મેળવી હતી, તો એક મેચમાં હાર થઇ હતી. ભારત હાલ પોઇન્ટ ટેબલમાં પાંચમાં સ્થાન પર છે, અને સેમિફાઇનલ માટે ક્વોલિફાઇ થવા ટોપ-4માં સ્થાન મેળવવું અનિવાર્ય છે. તેથી દરેક ગ્રુપ સ્ટેડ મેચ મહત્વપૂર્ણ થઇ જાઇ છે.

અત્રે એ પણ અગત્યનું છે કે, મહિલા વર્લ્ડ કપમાં ભારત - વેસ્ટ ઈન્ડીઝ વચ્ચે 6 મેચો રમાયેલી છે, જે તમામ મેચોમાં ભારતની જીત થઇ છે અને ફરી એક વખત ભારતે મેચમાં જીત મેળવી લીધી છે.