મેન્સ અંડર 19 ક્રિકેટ: દક્ષિણ આફ્રિકામાં જોહાનિસબર્ગ ખાતે ભારતે દ. આફ્રિકાને 6 વિકેટથી હરાવ્યું

મેન્સ અંડર 19 ક્રિકેટ, સૂકાની ઉદય સહારનના 112 અને પ્રિયાંશુ મોલિયાના અણનમ 76 રનની મદદથી, ભારતે દક્ષિણ આફ્રિકાના જોહાનિસબર્ગમાં ઓલ્ડ એડવર્ડિયન્સ ક્રિકેટ ગ્રાઉન્ડ ખાતે ત્રિપક્ષીય ODI શ્રેણીમાં દક્ષિણ આફ્રિકાને છ વિકેટે હરાવ્યું. 257 રનના વિજય લક્ષ્યાંકનો પીછો કરતા ભારતે 48.4 ઓવરમાં 4 વિકેટે 260 રનનો લક્ષ્યાંક હાંસલ કર્યો હતો.
 
આ પહેલા પ્રથમ બેટિંગ કરવા માટે મોકલવામાં આવેલી દક્ષિણ આફ્રિકાની ટીમે તેની નિર્ધારિત 50 ઓવરમાં 256 રનમાં ઓલઆઉટ થઈ ગઈ હતી. દક્ષિણ આફ્રિકા તરફથી સ્ટીવ સ્ટોકે સૌથી વધુ 69 રન બનાવ્યા હતા. ભારત તરફથી મુશીર ખાને 5 અને નમન તિવારીએ ત્રણ વિકેટ ઝડપી હતી.
 
પોઈન્ટ ટેબલમાં ટોચ પર હોવાથી ભારત પહેલાથી જ ફાઇનલમાં પહોંચી ગયું છે. અફઘાનિસ્તાન બીજા સ્થાને છે જ્યારે યજમાન દક્ષિણ આફ્રિકા ત્રીજા સ્થાને છે. ફાઈનલ 10મી જાન્યુઆરીએ રમાશે.