વડોદરાના ડેસરમાં બનશે અત્યાધુનિક સ્પોર્ટ્સ યુનિવર્સિટી

વડોદરા નજીક સ્પોર્ટ્સ યુનિવર્સિટીનું નિર્માણ થવાથી રાજ્યના રમતવીરોને ફાયદો થશે.  

વડોદરા જિલ્લાના ડેસર ખાતે ૧૩૦ એકર જમીનમાં રૂપિયા 35 કરોડના ખર્ચે સ્વર્ણિમ ગુજરાત સ્પોર્ટસ યુનિવર્સિટી બનાવવામાં આવશે. આ સ્પોર્ટસ યુનિવર્સિટીનું શિલાન્યાસ રાજ્યના મુખ્યમંત્રી વિજય રૂપાણી અને વિધાનસભાના અધ્યક્ષ રાજેન્દ્ર ત્રિવેદી હસ્તે કરવામાં આવ્યું હતું.

આ પ્રસંગે રાજ્યના નાટ્ય, સંગીત, નૃત્ય અને રમત ક્ષેત્રે પ્રતિભાધારી વ્યક્તિત્વ ધરાવતા લોકોને પ્રતિભા પુરસ્કાર અને સાહિત્યકારોને ગૌરવ પુરસ્કાર આપી સન્માનિત કરવામાં આવ્યાં હતા. આ પ્રસંગે રાજ્યના નાયબ મુખ્યમંત્રી નીતિન પટેલ અને રમતગમત, યુવા અને સાંસ્કૃતિક પ્રવૃત્તિઓના મંત્રી ઇશ્વરસિંહ પટેલની વિશેષ ઉપસ્થિતિ હતી.

અંકિત ચૌહાણ, વેબ આસિસ્ટન્ટ