વર્લ્ડ કેડેટ જુડો ચેમ્પિયનશિપ: ભારતીય જુડો ખેલાડી લિન્થોઈ ચન્બમે જીત્યો ગોલ્ડ મેડલ

લિન્થોઈ ચન્બમે સારાજેવો, બોસ્નિયા અને હર્ઝેગોવિનામાં મહિલાઓની 57 કિગ્રા વર્ગમાં ગોલ્ડ મેડલ જીતનાર પ્રથમ ભારતીય બની છે. લિન્થોઈ ચન્બમે ફાઇનલમાં બ્રાઝિલની બિયાન્કા રીસને હરાવી હતી. મણિપુરની 16 વર્ષીય લિન્થોઈ ચન્બમે વર્લ્ડ જુડો ચેમ્પિયનશિપમાં કોઈ પણ કેટેગરીમાં ગોલ્ડ જીતનાર પ્રથમ ભારતીય છે. લિન્થોઈ ચન્બમે ગયા વર્ષે નવેમ્બરમાં ચંદીગઢમાં રાષ્ટ્રીય ચેમ્પિયનશિપ જીતી હતી. લિન્થોઈ ચન્બમે ગયા મહિને થાઈલેન્ડના બેંગકોકમાં એશિયન કેડેટ અને જુનિયર ચેમ્પિયનશિપમાં 63 કિગ્રા વર્ગમાં ગોલ્ડ મેડલ જીત્યો હતો. તેણે એશિયા-ઓશેનિયા જુનિયર ચેમ્પિયનશિપ 2021માં સિલ્વર મેડલ અને 2021માં જ એશિયા-ઓશેનિયા કેડેટ ચેમ્પિયનશિપમાં બ્રોન્ઝ મેડલ જીત્યો હતો.