શ્રીલંકા સામેની પ્રથમ વનડે મેચ ટાઈ, ભારતે 41 રનમાં છેલ્લી 5 વિકેટ ગુમાવી

કોલંબોના પ્રેમદાસા ઈન્ટરનેશનલ ક્રિકેટ સ્ટેડિયમમાં ભારત અને શ્રીલંકા વચ્ચે ત્રણ મેચની ODI શ્રેણીની પ્રથમ મેચ રમાઈ હતી. આ મેચ ટાઈ થઈ હતી. રોહિત શર્માએ 58 રનની અડધી સદીની ઇનિંગ રમી હતી, પરંતુ તે ટીમને જીત સુધી પહોંચાડી શક્યો નહોતો.

યજમાન શ્રીલંકાએ ટોસ જીતીને પ્રથમ બેટિંગ કરવાનો નિર્ણય કર્યો અને ભારતને બોલિંગ માટે આમંત્રણ આપ્યું. પ્રથમ બેટિંગ કરતા શ્રીલંકાની ટીમે નિર્ધારિત 50 ઓવરમાં 8 વિકેટના નુકસાન પર 230 રન નોંધાવ્યા હતા અને ભારતને જીતવા માટે 231 રનનો ટાર્ગેટ આપ્યો હતો.

ટાર્ગેટનો પીછો કરતી વખતે ટીમ ઈન્ડિયા માટે કેપ્ટન રોહિત શર્મા અને શુભમન ગીલે ઓપનિંગ કર્યું હતું. રોહિત શર્માએ 58 રનની ઇનિંગ રમી હતી. ભારત તરફથી બીજો શ્રેષ્ઠ સ્કોર અક્ષર પટેલ (33)નો હતો. ભારતીય ટીમ માત્ર 47.5 રન બનાવી શકી અને 230 રનમાં ઓલઆઉટ થઈ ગઈ.

શ્રીલંકા તરફથી ડ્યુનિથ વેલાલેગે સૌથી વધુ 67 રન નોંધાવ્યા હતા. બીજો સર્વશ્રેષ્ઠ સ્કોર ઓપનિંગ બેટ્સમેન પથુમ નિસાંકાના બેટમાંથી આવ્યો હતો. તેણે 75 બોલમાં 56 રનની ઇનિંગ રમી હતી. બોલિંગની વાત કરીએ તો વાનિન્દુ હસરંગા અને ચરિત અસલંકાને ત્રણ-ત્રણ સફળતા મળી. ભારત તરફથી અર્શદીપ અને પ્રવાહને 2-2 સફળતા મળી હતી.

શ્રીલંકા માટે ડ્યુનિથ વેલાલેગે 67 રન નોંધાવ્યા અને 2 સફળતા પણ હાંસલ કરી. તેના ઓલરાઉન્ડ પ્રદર્શન માટે તેને મેન ઓફ ધ મેચ પસંદ કરવામાં આવ્યો હતો.