સાનિયા મિર્ઝા અને નાદિયા કિચેનોકની જોડી એડિલેડ ઈન્ટરનેશનલની સેમિફાઈનલમાં પહોંચી

ભારતની સાનિયા મિર્ઝા અને તેની યુક્રેનિયન પાર્ટનર નાદિયા કિચેનોકે ગુરુવારે અમેરિકન શેલ્બી રોજર્સ અને ગ્રેટ બ્રિટનની હીથર વોટસનને સંઘર્ષપૂર્ણ હરીફાઈમાં હરાવીને એડિલેડ ઈન્ટરનેશનલ 1 WTA ઈવેન્ટની મહિલા ડબલ્સની સેમિફાઈનલમાં પ્રવેશ કર્યો હતો. 

સાનિયા અને નાદિયાએ 55 મિનિટ સુધી ચાલેલી ક્વાર્ટર ફાઇનલમાં તેમની હરીફોને 6-0 1-6 10-5થી હરાવી હતી. ઈન્ડો-યુક્રેનિયન જોડી હવે WTA 500 ઈવેન્ટના છેલ્લા-ચાર રાઉન્ડમાં ઓસ્ટ્રેલિયાના એશલે બાર્ટી અને સ્ટોર્મ સેન્ડર્સ સાથે ટકરાશે. 

સાનિયા અને નાદિયાએ અગાઉ પ્રથમ રાઉન્ડમાં બીજા ક્રમાંકિત ગેબ્રિએલા ડાબ્રોવસ્કી અને જિયુલિયાના ઓલ્મોસને 1-6 6-3 10-8થી પછાડી દીધી હતી. એડિલેડ ઈવેન્ટ એ ઓસ્ટ્રેલિયન ઓપન માટેની ટુર્નામેન્ટ છે, જે મેલબોર્નમાં 17 જાન્યુઆરીથી શરૂ થઈ રહી છે.