હોકીની સેમિ ફાઈનલમાં ભારતે જાપાનને હરાવ્યું

હોકી મહિલા એશિયન ચેમ્પિયન્સ ટ્રોફીમાં જાપાનને ભારતે 2-0થી હરાવીને ફાઇનલમાં જગ્યા બનાવી. ફાઇનલમાં ભારતનો સામનો હવે ચીન સાથે થશે. આ ચેમ્પિયન્સ ટ્રોફી રાજગીર, બિહારમાં રમાઈ રહી છે. હવે ભારત અને ચીન વચ્ચે 20મી નવેમ્બરે ફાઈનલ મેચ રમાશે. જાપાન સામેની રોમાંચક સેમિ ફાઈનલ મેચમાં નવનીત કૌર અને લાલરેમસિયામીએ છેલ્લા ક્વાર્ટરમાં એક-એક ગોલ કરીને ભારતને ભવ્ય વિજય અપાવ્યો હતો.

હવે ભારતનો સામનો ફાઈનલમાં ચીન સામે થશે. આ મુકાબલો 20 નવેમ્બરના રોજ બિહારના રાજગીરમાં યોજાશે. ભારતે આજે સેમિ ફાઈનલમાં ભારતે જાપાનને 2-0થી હરાવીને ફાઈનલમાં પોતાનું સ્થાન નિશ્ચિત કરી લીધું છે. તો બીજી તરફ ચીને મલેશિયાને 3-1થી હરાવીને ફાઈનલમાં પહોંચી ગયું છે.