હોકી: આજે મહિલા એશિયન ચેમ્પિયન્સ ટ્રોફીની ફાઇનલમાં ભારતનો મુકાબલો ચીન સામે થશે

હોકીમાં આજે બિહારના રાજગીરમાં મહિલા એશિયન ચેમ્પિયન્સ ટ્રોફીની ફાઇનલમાં ભારતનો સામનો ચીન સામે થશે. ભારતે ગઈ કાલે સેમિફાઈનલમાં જાપાનને બે ગોલથી હરાવીને ફાઇનલમાં પ્રવેશ કર્યો હતો. પરાજિત ટીમ એક પણ ગોલ કરી શકી ન હતી. ભારત માટે, નવનીત કૌરે 48મી મિનિટે પેનલ્ટી સ્ટ્રોકને ગોલમાં ફેરવ્યો, જ્યારે લાલરેમસિયામીએ 56મી મિનિટે ફિલ્ડ પ્લેમાંથી ગોલ કર્યો.

ભારતે ગ્રુપ સ્ટેજની તમામ મેચો જીતીને સેમિફાઈનલમાં પ્રવેશ કર્યો છે.

ગઈકાલે પ્રથમ સેમીફાઈનલમાં ચીને મલેશિયાને 3-1થી હરાવીને ફાઇનલમાં પ્રવેશ મેળવ્યો હતો. આ જીત સાથે, ચીને છ મેચમાંથી પાંચ જીત મેળવી, જ્યારે મલેશિયા 2 જીત અને 4 હાર સાથે સ્પર્ધામાંથી બહાર થઈ ગયું.