ICC T20 વર્લ્ડ કપમાં આજે ઓસ્ટ્રેલિયાનો મુકાબલો શ્રીલંકા સામે થશે

શ્રીલંકાની ટીમ આજે ફરી બીજી મેય જીતવાના મુડમાં જોવા મળશે.

આઈસીસી T20 વર્લ્ડ કપ 2022માં આજે ઓસ્ટ્રેલિયાનો મુકાબલો  શ્રીલંકા સામે થશે. બંને ટીમો સુપર-12 સ્ટેજના ગ્રૃપ એકમાં છે.  સુપર 12ના ગ્રૃપ એકની આ ચોથી મેચ હશે. મેચ ભારતીય સમય અનુસાર સાંજે સાડા ચાર વાગે શરૂ થશે. ઓસ્ટ્રેલિયા ટુર્નામેન્ટની તેમની શરૂઆતની મેચ ન્યૂઝીલેન્ડ સામે હારી ગયું હતું જ્યારે શ્રીલંકાએ તેની શરૂઆતની મેચમાં આયર્લેન્ડને 9 વિકેટે હરાવ્યું હતું.  શ્રીલંકા અત્યારે ગ્રૃપ એકના પોઈન્ટ ટેબલમાં બીજા સ્થાને છે, જ્યારે ઓસ્ટ્રેલિયા છેલ્લા સ્થાને છે. ગઇકાલે બાંગ્લાદેશે હોબાર્ટમાં નેધરલેન્ડને 9 રને હરાવ્યું હતું, જ્યારે દક્ષિણ આફ્રિકા અને ઝિમ્બાબ્વે વચ્ચેની મેચ વરસાદને કારણે રદ્દ કરાઇ હતી જેથી બંને ટીમોને એક-એક પોઈન્ટ આપવામાં આવ્યો હતો.