WPl: યુપી વોરિયર્સ આજે નવી દિલ્હીમાં મુંબઈ ઈન્ડિયન્સ સામે ટકરાશે

યુપી વોરિયર્સ આજે નવી દિલ્હીમાં વિમેન્સ પ્રિમીયર લીગ ક્રિકેટમાં મુંબઈ ઈન્ડિયન્સ સામે ટકરાશે. મહિલા પ્રીમિયર લીગની આ 14મી મેચ અરુણ જેટલી સ્ટેડીયમ ખાતે રમાશે.આ મેચ સાંજે 7.30 કલાકે શરૂ થશે. મુંબઈ ઈન્ડિયન્સ 5 મેચમાં 3 જીત અને 6 પોઈન્ટ સાથે પોઈન્ટ ટેબલમાં ત્રીજા સ્થાને, જ્યારે યુપી વોરિયર્સ 5 મેચમાં 2 જીત અને 4 પોઈન્ટ સાથે ચોથા સ્થાને છે.

ગઇકાલે ગુજરાત જાયન્ટે – રોયલ ચેલેન્જ બેંગ્લોરને 19 રને હરાવીને ટુર્નામેન્ટની પ્રથમ જીત નોંધાવી હતી.

ગુજરાતે પ્રથમ બેટિંગ કરતાં 5 વિકેટે 199 રન બનાવ્યા હતા. જવાબમાં બેંગ્લોરની ટીમે નિર્ધારિત 20 ઓવરમાં 8 વિકેટે 180 રન બનાવતાં તેનો પરાજય થયો હતો. ગુજરાતની બેથ મૂનીએ અણનમ 85 જ્યારે વોલ્વાર્ડે 76 રન બનાવ્યા હતા.