અમદાવાદમાં ઈન્ટરનેશનલ લિટરેટર ફેસ્ટિવલનો પ્રારંભ, 16 અને 17 નવેમ્બર બે દિવસ સુધી ચાલશે ફેસ્ટિવલ

અમદાવાદ ખાતે ઇન્ટરનેશલ લિટરેચર ફેસ્ટિવલનું આયોજન કરવામાં આવ્યું છે. રાજ્યપાલ આચાર્ય દેવવ્રતે દિપ પ્રાગટ્ય કરી ફેસ્ટીવલની શરૂઆત કરાવી હતી. અમદાવાદ આંતરરાષ્ટ્રીય સાહિત્ય મહોત્સવ એ આયકન એજ્યુકેશન ફાઉન્ડેશનની પહેલ છે. આ વર્ષે 16 અને 17 નવેમ્બરે ગુજરાત નોલેજ કન્સોર્ટિયમ ખાતે આ મહોત્વ યોજવામાં આવ્યો છે. આ વખતે ઉત્સવની ચોથી આવૃત્તિ માટેની થીમ 'પર્યાવરણ' છે, જેમાં 7 આંતરરાષ્ટ્રીય સ્પીકર્સ સહિત કુલ 60 સ્પીકરો ભાગ લેશે. ઉદ્દઘાટન પ્રસંગે મુખ્ય મહેમાન તરીકે ઉપસ્થિત રાજ્યપાલ આચાર્ય દેવવ્રતે,આધ્યાત્મિકતા, પૌરાણિક કથા, પત્રકારત્વ તેમજ પર્યાવરણ વિષય પર વક્તવ્ય આપ્યું હતું. આ વર્ષની વિશેષતા એ છે કે રુહાની સિસ્ટર્સ સાથેની એક મ્યુઝિકલ ઇવનિંગનું પણ આયોજન કરવામાં આવ્યું છે. જેમાં અધિકૃત સુફી સંગીત, ગઝલ અને કવ્વાલીઓ પ્રસ્તુત કરવામાં આવશે.