અમરેલીના સલડી નજીક બે કાર વચ્ચે અકસ્માત, બેના મોત

ઘાયલોને સિવિલ હોસ્પિટલમાં ખસેડવામાં આવ્યો

અમરેલીના સલડી ગામ નજીક બે કાર વચ્ચે ગમખ્વાર અકસ્માત સર્જાતા બે લોકોના ઘટનાસ્થળે જ કમકમાટીભર્યા મોત નીજપ્યા હતા.લીલીયા તાલુકાના સલડી અને લાલાવદર વચ્ચે માનસી ફૂડ ફેક્ટરી પાસે રાત્રે બે કાર સામસામી ટકરાયા બાદ બંનેમાં આગ ફાટી નિકળી હતી. જેને લીધે બે માણસના મોત થયા હતાં. કલેક્ટરની સુચનાથી ફાયર બ્રિગેડ અને મામલતદાર પણ અમરેલીથી દોડી ગયા હતા. મૃતકો પૈકી એક વરસડાનો મેહુલ ભરવાડ નામનો યુવાન હતો. જ્યારે બીજાનું નામ જાણવા મળી શક્યું નથી.એક કારમાંથી 4 ઘાયલ યુવાનો સમયસર બહાર નિકળી આવતાં તેઓ ઘાયલ અને દાઝેલા હોવા છત્તાં બચી ગયા હતા. ચારેયને સારવાર માટે અમરેલી સિવીલમાં ખસેડાયા છે.