આંબલિયાળામાં થયેલા યુવકની મોતનો આરોપી ઝડપાયો

                   મુંબઇના ખાંડીવલી ટૉલનાકા નજીકથી વેરાવળમાં કાર સાથે યુવકને સળગાવવાના મામલે મૂખ્ય આરૉપી દેવાયત જોટવાને મુંબઇ ક્રાઇમ બ્રાંચ અને ગીર સૉમનાથ પૉલીસ દ્રારા ઝડપી લીધો હતો.

                 આંબલિયાળામાં થયેલા યુવકના મોત મામલે આરોપી દેવાયત જોટવાને ઝડપવા મુંબઇ ક્રાઈમ બ્રાન્ચ સહિત અમદાવાદ,જામનગર અને ગીર સોમનાથના ત્રણ ડી.વાય.એસ.પી સહિત દસેક ટીમો કામે લાગી હતી. જેમાં આજ રોજ બપોરના સમયે આરોપી દેવાયત જોટવાને ખાંડીવાલી ટોલનાકા પાસે ઝડપી પાડતા પોલીસે રાહતનો શ્ર્વાસ લીધો હતો. આરોપીને પકડવા ગીર સોમનાથ પોલીસ દ્વારા મુંબઈ અને અમદાવાદ ક્રાઈમ બ્રાન્ચ સહિતની ટિમો ની મદદ લેવામાં આવી  હતી. જેમાં મુંબઇ સ્થિત એક યુવતીની મદદથી આરોપીને પકડવા પોલીસને સફળતા મળી હોવાનું ગીર સોમનાથના એસ.પી. હિતેશ જોઇસરે જણાવ્યુ હતુ. આરોપીને રિમાન્ડ પર લઇને વધુ સહભાગી આરોપીઓને પણ પાડી આગળની કાર્યવાહી હાથ ધરવામાં આવશે.