કેન્દ્રીય મંત્રી જે. પી. નડ્ડા તથા મુખ્યમંત્રી ભૂપેન્દ્ર પટેલે રાજકોટથી તિરંગાયાત્રાનો કરાવ્યો પ્રારંભ

કેન્દ્રીય મંત્રી જે. પી. નડ્ડા તથા મુખ્યમંત્રી ભૂપેન્દ્ર પટેલે રાજકોટથી તિરંગાયાત્રાનો કરાવ્યો પ્રારંભ

ભારતીય જનતા પાર્ટી (BJP)ના રાષ્ટ્રીય અધ્યક્ષ, કેન્દ્રીય આરોગ્ય અને પરિવાર કલ્યાણ, રસાયણ અને ખાતર મંત્રી જેપી નડ્ડા આજે ગુજરાત પહોંચ્યા છે. રાજકોટમાં   તિરંગા યાત્રાનો પ્રારંભ કરાવ્યો હતો. 

આ તકે  જે. પી. નડ્ડાએ જણાવ્યું હતું કે  દેશ ક્યારેય  સરદાર પટેલના તેમજ સ્વતંત્રતા સેનાનીઓના બલિદાનને ભૂલશે નહીં. તેમણે વર્ષ 2047 સુધીમાં ભારતને વિક્સિત રાષ્ટ્ર બનાવવાના પ્રધાનમંત્રી મોદીના સંકલ્પને સાકાર કરવા યુવાનોને મહત્તમ યોગદાન આપવા અપીલ કરી હતી.

ઉલ્લેખનીય છે કે, સ્વતંત્રતા દિવસની ઉજવણી નિમિત્તે 9 ઓગસ્ટથી દેશભરમાં દરેક ઘરમાં ત્રિરંગા ઝુંબેશ શરૂ થઈ ગઈ છે. આ અભિયાન 15 ઓગસ્ટ સુધી ચાલશે. આ અભિયાનની મહત્વપૂર્ણ શ્રેણીના ભાગરૂપે, 13 ઓગસ્ટના રોજ રાષ્ટ્રીય રાજધાની દિલ્હીમાં સાંસદોની ત્રિરંગા બાઇક રેલી કાઢવામાં આવશે. પ્રધાનમંત્રી નરેન્દ્ર મોદીએ પણ દરેકને આ અભિયાનમાં જોડાવા હાકલ કરી છે. તેણે પોતાનો સોશિયલ મીડિયા પ્રોફાઇલ ફોટો પણ બદલીને ત્રિરંગા (રાષ્ટ્રીય ધ્વજ) કરી દીધો છે.