ગૃહરાજ્યમંત્રી હર્ષ સંઘવીએ 10 વર્ષથી યોજાતી મેરેથોનનો ફ્લેગ ઓફ કરાવીને પ્રારંભ કરાવ્યો

મંત્રી હર્ષ સંઘવી પણ 5 કિલોમીટરની દોડમાં સહભાગી થયાં હતાં.

વડોદરામાં છેલ્લાં 10 વર્ષથી યોજાતી MG વડોદરા મેરેથોન દોડનો ગૃહરાજ્યમંત્રી હર્ષ સંઘવીએ ફ્લેગ ઓફ કરાવીને પ્રસ્થાન કરાવ્યું હતું. વહેલી સવારે યોજાયેલી આ દોડમાં શહેરભરના 92 હજારથી વધારે દોડવીરોએ ભાગ લીધો હતો. આ મેરેથોનમાં 42 કિલોમીટર, 21 કિલોમીટર, 10 કિલોમીટર અને 5 કિલોમીટરની કેટેગરીમાં દોડવીરોએ દોડ લગાવી હતી. દોડવીરોનો ઉત્સાહ વઘારવા માટે રાજ્યના ગૃહ, રમતગમત, સાંસ્કૃતિક અને યુવા બાબતોના મંત્રી હર્ષ સંઘવી પણ 5 કિલોમીટરની દોડમાં સહભાગી થયાં હતાં અને દોડવીરોને શુભેચ્છાઓ પાઠવી હતી. આ પાંચ કિલોમીટરની દોડને રાજ્યના મુખ્યમંત્રી ભૂપેન્દ્ર પટેલે ફ્લેગ ઓફ કરાવીને પ્રસ્થાન કરાવી હતી.