જામનગર-રાજકોટ હાઈવે પર રિક્ષા-ટ્રકનો અકસ્માત, ઘાયલોને હોસ્પિટલ ખસેડાયાં
Live TV
-
02-10-2020 | 3:18 pm
Share Now
જામનગર-રાજકોટ હાઈવે ઉપર આજે બપોરના ભાગે એક ટ્રક અને પેસેન્જર રિક્ષા વચ્ચે ગમખ્વાર અકસ્માત સર્જાયો હતો. મળતી માહિતી મુજબ જાંબુડા પાટીયા પાસે આવેલા બસ સ્ટેન્ડ નજીક પાર્ક કરેલી એક રિક્ષા સાથે પુરપાટ ઝડપે આવી રહેલી ટ્રક અથડાતા અકસ્માત સર્જાયો હતો.
અકસ્માતના કારણે અહીં લોકોના ટોળા એકત્ર થઇ ગયા હતા. ઘાયલ લોકોને 108 એમ્બ્યુલન્સ ઇમરજન્સી સેવા દ્વારા જામનગરની ગુરુ ગોવિંદસિંહજી હોસ્પિટલમાં વધુ સારવાર માટે ખસેડવામાં આવ્યા છે. પોલીસ હાલ આ અંગે વધુ તપાસ હાથ ધરી રહી છે.
