ગુજરાત એટીએસ અને જામનગર પોલીસ દ્વારા કુખ્યાત ભૂ માફિયા જયેશ પટેલ ગેંગના મુખ્ય હથિયાર સપ્લાયર બલવિર સિંહ ઉર્ફે બલ્લુની ઘરપકડ

જામનગર સ્થિત કુખ્યાત ભૂ માફિયા જયેશ પટેલ ગેંગના મુખ્ય હથિયાર સપ્લાયર બલવિર સિંહ ઉર્ફે બલ્લુની ઘરપકડ ગુજરાત એટીએસ અને જામનગર પોલીસ દ્વારા કરવામાં આવી છે. જામનગરમાં સને 2019 માં પ્રોફેસર રાજાણી પાસેથી જયેશ પટેલે 1 કરોડની ખંડણી વસુલ કરવા માટે તેમના પર ફાયરિંગ કરાવ્યું હતું. તે ફાયરિંગ ઇકબાલ નામના શખ્સ દ્વારા કરવામાં આવ્યું હતું. આરોપી બલ્લુ દ્વારા આ ઈકબાલને હથિયાર સપ્લાય કરવામાં આવ્યાં હતાં. બલ્લુએ માત્ર જયેશ પટેલ ગેંગનેં જ 100 થી વધુ વખત હથિયાર સપ્લાય કર્યાં હતાં. આ ખુંખાર આરોપીની એટીએસ દ્વારા મધ્યપ્રદેશના ધાર જિલ્લામાંથી ઘરપકડ કરવામાં આવી છે. આ આરોપીની પૂછપરછ પરથી જયેશ પટેલનાં કરતુતોનો વધુ પર્દાફાશ થઇ શકે તેમ છે.