નર્મદા : આયુર્વેદિક કોલેજમાં સનફાર્મા કંપની દ્રારા ઓક્સિજન પ્લાન્ટ તૈયાર કરાયો 

નર્મદા જિલ્લામાં આવેલી રાજપીપલાની આયુર્વેદિક કોલેજમાં સનફાર્મા કંપની દ્રારા CSR હેઠળ અંદાજે રૂપિયા 18 લાખના ખર્ચે ઓક્સિજન પ્લાન્ટ તૈયાર કરવામાં આવ્યો છે. હવામાંથી લિક્વિડ નાઇટ્રોજનમાંથી ઓક્સિજનમાં કન્વર્ટ કરીને લગભગ દૈનિક 1 ટનની કેપેસીટી ધરાવતો આ પ્લાન્ટ 35 બેડને ઓક્સિજનનો પુરવઠો સતત પૂરો પાડશે. આ પ્લાન્ટ શરૂ થતાં રાજપીપલા કોવિડ હોસ્પિટલના 70 બેડને સુવિધા મળી રહેશે. આ પ્રસંગે જિલ્લા કલેકટર ડી.એ.શાહે જણાવ્યું હતું કે, કોરોનાની મહામારી દરમિયાન દર્દીઓને કોઇપણ પ્રકારની મુશ્કેલી ન પડે તે માટે પ્રયત્નશીલ છે.સહિયારા પ્રયાસોથી જિલ્લામાં ઓક્સિજનના સિલિન્ડરની સુવિધા સતત વધારવામાં આવી રહી છે. આ પ્લાન્ટ 8 થી 10 હજાર લિટર ઓક્સિજન પૂરો પાડશે.પ્રતિ દર્દીની જરૂરીયાત 5 લિટર ગણીએ તો 25 બેડની જરૂરીયાત પૂરી કરી શકાશે અને 15 લીટર ગણીએ તો લગભગ 10 થી 12 દર્દીઓની ઓક્સિજનની જરૂરીયાત પુરી કરી શકાશે.