વડોદરામાં કરજણ તાલુકાના ઉરદ ગામમાં અત્યાર સુધી કોરોનાનો એક પણ કેસ નહીં

એક તરફ રાજ્યના તમામ જિલ્લાઓ કોરોનાગ્રસ્ત થઈ ચૂક્યા છે. તો બીજી તરફ વડોદરા જિલ્લામાં કરજણ તાલુકાના ઉરદ ગામમાં અત્યાર સુધી કોરોનાનો એક પણ કેસ નોંધાયો નથી. માત્ર 1 હજારની વસતી ધરાવતા આ ગામના લોકોએ કોરોના ગાઈડલાઈનનું ચુસ્તપણે પાલન કરી મારું ગામ કોરોનામુક્ત ગામ અભિયાનને સાર્થક કર્યું છે. તો આ ગામને કોરોનામુક્ત રાખવામાં શિક્ષકો, આશાવર્કર્સ અને આંગણવાડીમાં કામ કરતા કર્મચારીઓનો મહત્વનો ફાળો રહ્યો છે. આ સાથે જ ગામની પ્રાથમિક શાળામાં સામુહિક કોવિડ કેર સેન્ટર પર શરૂ કરવામાં આવ્યું છે. ગામમાં અત્યાર સુધી 135 રેપિટ એન્ટિજન અને 30 RT-PCR સહિત 165 લોકોના કોરોના ટેસ્ટ કરવામાં આવ્યા છે. પરંતુ એક પણ વ્યક્તિ કોરોના સંક્રમિત થયો નથી.