શિક્ષણ મંત્રી ભુપેન્દ્રસિંહ ચુડાસમાએ અમરેલીની લીધી મુલાકાત

અમરેલીમાં પૂર્વ કૃષિમંત્રી અને હાલ ગુજકોમાસોલના ચેરમેન દિલીપ સંઘાણીના નિવાસ્થાને તેમણે રામ મંદિરની જૂની યાદોને વાગોળી

શિક્ષણ મંત્રી ભુપેન્દ્રસિંહ ચુડાસમાએ , અમરેલીની મુલાકાત લીધી હતી. અમરેલીમાં પૂર્વ કૃષિમંત્રી અને હાલ ગુજકોમાસોલના ચેરમેન, દિલીપ સંઘાણીના નિવાસ્થાને તેમણે રામ મંદિરની જૂની યાદોને વાગોળી હતી... ભુપેન્દ્રસિંહ અને દિલીપ સંઘાણી , બન્નેએ રામ મંદિરની કાર સેવામાં ભાગ લીધો હતો... ત્યારે બન્નેએ જ્યાં સુધી અયોધ્યામાં પ્રભુ શ્રી રામનું મંદિર ન બને , ત્યાં સુધી મીઠાઈ નહીં ખાવાની બાધા રાખી હતી. આ ટેક તેમણે વરસો સુધી ટકાવી રાખી... હવે જ્યારે 5 ઓગસ્ટે રામ મંદિરનું ભૂમિપૂજન થવાનું છે , ત્યારે મીઠાઈ ન ખાવાની ટેક બન્નેએ ખોલી હતી...અને જય જય શ્રી રામના નાદ સાથે મીઠાઈ આરોગી હતી...આ પ્રસંગે અમરેલીના સાંસદ નારાયણ કાછડિયા પણ ઉપસ્થિત રહ્યા હતા...