સાંસદ ભારતીબેન શિયાળની ભાજપના રાષ્ટ્રીય ઉપાધ્યક્ષા તરીકે વરણી

ભાવનગરના સાંસદ ભારતીબેન શિયાળની તાજતેરમાં ભાજપના રાષ્ટ્રીય ઉપાધ્યક્ષ પદે વરણી કરવામાં આવી છે. જેને લઈને ભાજપના કાર્યકરો દ્વારા તેમને શુભેચ્છાઓ પાઠવવામાં આવી રહી છે. ત્યારે અમદાવાદની મુલાકાત દરમિયાન પણ ભારતીબેન શિયાળનું અમદાવાદ જિલ્લા દ્વારા ભવ્ય સ્વાગત કરવામાં આવ્યું હતું.

જિલ્લાના બાવળા, બગોદરા તેમજ ધંધુકા ખાતે ભારતીબેન શિયાળ ભવ્ય સ્વાગત કરવામાં આવ્યું હતું. બગોદરામાં ખાસ ડ્રિમ સીટી ખાતે પૂર્વ કેબિનેટ મંત્રી માધુભાઈ ઠાકોર, કાળુભાઇ ડાભી, જીલ્લા ઉપપ્રમુખ મહેન્દ્રસિંહ મંડોરા, હરિભાઈ ડાભી, રમેશભાઈ મકવાણા, પૂર્વ રાજ્યસભાના સાંસદ શંકરભાઇ વેગડ, ભરતભાઇ મેર, સહિત જિલ્લા અને બાવળા તાલુકા ભાજપના હદ્દેદારો અને કાર્યકર્તાઓ ઉપસ્થિત રહીને ભારતીબેનનું ઉમળકાભેર સ્વાગત કર્યું હતું.