સુપ્રિમ કોર્ટના નિવૃત ચીફ જસ્ટિસ રંજન ગોગોઈએ સ્ટેચ્યુ ઓફ યુનિટીની લીધી મુલાકાત

 નિવૃત ચીફ જસ્ટિસ રંજન ગોગોઈએ સરદાર સરોવર ડેમ અને એકતા નર્સરીની લીધી મુલાકાત, આવતીકાલે કચ્છના રણની લેશે મુલાકાત

સુપ્રિમ કોર્ટના નિવૃત્ત ચીફ જસ્ટીસ રંજન ગોગોઇ તેમના ધર્મપત્નિ રૂપાંજલી સાથે નર્મદા જિલ્લાના કેવડીયા કોલોની ખાતે સ્ટેચ્યુ ઓફ યુનિટીની મુલાકાત લીધી હતી. જ્યાં તેમણે અખંડ ભારતના શિલ્પી સરદાર વલ્લ્ભભાઇ પટેલની વિરાટ પ્રતિમાની ભાવવંદના કરી હતી. આ મુલાકાત-પ્રવાસમાં ગરૂડેશ્વરના પ્રિન્સિપાલ સિવિલ જજ જે.જે.દવે પણ ગોગોઈ સાથે જોડાયા હતા. ત્યારબાદ રંજન ગોગોઇએ ૪૫ માળની ઉંચાઇએ સ્ટેચ્યુ ઓફ યુનિટીની વ્યુઇંગ ગેલેરીથી નર્મદા ડેમનો નજારો પણ માણ્યો હતો. ત્યારબાદ સ્ટેચ્યુ ઓફ યુનિટીમાં પ્રદર્શન, લાયબ્રેરી, સરદાર સાહેબના જીવન કવનને વણી લેતી દસ્તાવેજી ફિલ્મ પણ તેમણે નિહાળી હતી