સુરતના પલસાણામાંથી ડ્રગ્સ બનાવતી ફેક્ટરી ઝડપાઈ, બે આરોપીની ધરપકડ

સુરત જિલ્લાના પલસાણામાં ATS દ્વારા દરોડા પાડવામાં આવ્યા હતા. જેમાં ATSને મોટી સફળતા હાથ લાગી છે. પલસાણા પાસે કારેલી ગામની સીમમા એક ફેક્ટરીમાંથી ડ્રગ્સ બનાવવાનું રો-મટીરીયલ ઝડપી પાડવામાં આવ્યું હતું. કારેલી ખાતે રહેણાંક વિસ્તાર વચ્ચે પતરાના શેડ નીચે આ ફેક્ટરી ચાલી રહી હતી.  સાથે જ FSL ની ટીમ પણ વધુ તપાસ માટે ઘટના સ્થળે પહોંચી હતી.  ATS તમામ મુદ્દામાલ સાથે 2 લોકોની અટકાયત કરી છે અને ગોડાઉનને સીલ કરી વધુ તપાસ હાથ ધરી છે....

ગુજરાત ATSની ટીમ તરફથી સુરતના કારેલીમાંથી ડ્રગ્સના કરોડોના રો મટીરિયલની સાથે 2 લોકોને ઝડપી પાડ્યા છે. આ મામલે ATS દ્વારા વધુ તપાસ હાથ ધરવામાં આવી છે. મળતી માહિતી અનુસાર, ગુજરાત ATSની ટીમે ગઈકાલે રાતે કારેલી ખાતે રહેણાંક વિસ્તારમાં એક પતરાના ગોડાઉનમાં દરોડા પાડયા હતા. આ દરમિયાન ડ્રગ્સ જેવું કેફી પદાર્થ બનાવવાનું રો મટીરિયલ મળી આવી આવ્યું હતું. જે બાદ ATSની ટીમે તાત્કાલિક તપાસ માટે FSLની ટીમને અહીં બોલાવી હતી. જે બાદ FSLની ટીમે આ ડ્રગ્સ બનાવવાનું રો મટીરિયલ હોવાની પુષ્ટિ કરી હતી.  સૂત્રોના જણાવ્યા અનુસાર, ATSની ટીમે કરોડો રૂપિયાનું ડ્રગ્સ બનાવવાનું રો મટીરિયલ, 3-4 કિલો એમડી ડ્રગ્સને કબજે કર્યું હતું. આ સાથે જ 2 શખ્સોની અટકાયત પણ કરવામાં આવી હતી. ATSની ટીમને જાણવા મળ્યું હતું કે આ ડ્રગ્સને મોટા ભાગે મુંબઈ સપ્લાય કરવામાં આવતું હતું.