BJPની જીત પૂર્વોત્તરમાં, પશ્ચિમમાં જશ્નની ઉજવણી

પૂર્વોત્તરના રાજ્યમાં ભાજપના વિજયને અમદાવાદ, વડોદરા, સુરત સહિત સમગ્ર રાજ્યમાં ઉજવવામાં આવ્યો હતો. આતશબાજી અને ઢોલ નગારા સાથે વિજયોત્સવ મનાવાયો હતો.

પૂર્વોત્તર રાજ્યોમાં વિધાનસભા ચૂંટણીના પરિણામોમાં ભાજપના તરફ આવતા જીતનો જશ્ન મનાવાયો હતો. ત્રિપુરા, નાગાલેન્ડ  અને મેઘાલયમાં ભાજપના સારા પરિણામ બદલ જામનગરમાં શહેર ભાજપ દ્વારા વિજયોત્સવ મનાવવામાં આવ્યો હતો. જેમાં શહેર ભાજપ કાર્યાલય ખાતે મોટી સંખ્યામાં આગેવાનો અને કાર્યકરો ઉમટયા હતા.

આણંદમાં પણ ભાજરીય જનતા પાર્ટી દ્વારા વિજયોત્સવની ઉજવણી કરાઈ હતી. કાર્યકર્તાઓ આનંદમાં આવી ગયા હતા અને મોં મીઠુ કરી ફટાકડા ફોડી વિજય ઉત્સવ મનાવ્યો હતો. 

પાટણમાં પણ બગવાડા દરવાજા ખાતે પ્રદેશ મહામંત્રી કે.સી.પટેલની આગેવાનીમાં ભાજપા કાર્યકરોએ ફટાકડા ફોડી વિજય ઉત્સવ મનાવ્યો હતો. પાટણના વિજય ઉત્સવમાં દિલ્હી સ્થિત દ્વારકા વિધાનસભાના નાગરિકો પણ સામેલ થયા હતા. તેમણે જણાવ્યું હતું કે, આજે પાટણના લગ્ન પ્રસંગમાં હાજરી આપવા આવ્યા છીએ, પરંતુ પ્રધાનમંત્રીના વિસ્તારમાં વિજય ઉત્સવને જોઈને અમે પણ સામેલ થયા છીએ.

અંકિત ચૌહાણ, સોશિયલ મીડિયા ડેસ્ક