RTE એકટ હેઠળ ધો.1માં પ્રવેશ માટે 30 માર્ચ સુધી ઓનલાઈન અરજી કરી શકાશે

રાજ્ય સરકાર દ્વારા વિનામૂલ્યે અને ફરજિયાત શિક્ષણના અધિકાર અધિનિયમ-2009 ની કલમ-12(1)(ક) હેઠળ બિનઅનુદાનિત ખાનગી પ્રાથમિક શાળાઓમાં 25% મુજબ ધો.1 માં નબળા અને વંચિત જુથના બાળકોને વિનામૂલ્યે પ્રવેશ આપવાની યોજના અમલમાં છે. આ યોજનામાં અરજી કરવા માટેની છેલ્લી તારીખ 26-03-2024 હતી, પરંતુ આ સમયગાળામાં જાહેર રજાઓના કારણે અરજદારોને આવકના દાખલા, જાતિના દાખલા વગેરે જેવા આધારપુરાવાઓ મેળવવામાં વિલંબ થતો હોવાના કારણે અરજી કરવાનો સમયગાળો વધારીને તા.30-03-2024 રાત્રિના 12-00 વાગ્યા સુધીનો કરવામાં આવ્યો છે.

અરજદારોએ https://rte.orpgujarat.com વેબસાઈટ પર હવે તા.30 માર્ચ 2024 રાત્રિના 12-00 વાગ્યા સુધી પ્રવેશ ફોર્મ ભરી ઓનલાઈન અરજી કરવાની રહેશે. જેમાં ફોર્મ ભરવા સંબંધી જરૂરી આધાર પુરાવાની વિગતો વેબસાઈટ પર ઉપલબ્ધ છે.