કેલિફોર્નિયામાં પૂર અને ભૂસ્ખલનના કારણે તબાહી, 1.10 લાખ મકાનો અને દુકાનોની વીજળી ખોરવાઈ

અમેરિકાનો કેલિફોર્નિયા પ્રાંત તીવ્ર ઠંડીની ઝપેટમાં છે. તે જ સમયે, આ પ્રાંતમાં શક્તિશાળી વાવાઝોડાની સંભાવના વચ્ચે પૂરને કારણે પ્રદેશની સ્થિતિ ખૂબ જ ખરાબ છે. પૂરનું પાણી આખા શહેર ભરાઈ ગયું છે,  સ્થિતિ એટલી ખરાબ છે કે લગભગ 50,000 લોકોને તેમના વિસ્તારો છોડી દેવાનો આદેશ આપવામાં આવ્યો છે. ભારે વરસાદ, વીજળી, અતિવૃષ્ટિ અને ભૂસ્ખલનને કારણે 1.10 લાખથી વધુ ઘરો અને વેપાર કેન્દ્રોનો વીજ પુરવઠો ખોરવાઈ ગયો છે.

કેલિફોર્નિયાના ગવર્નર ગેવિન ન્યૂઝમે સાંતાક્રુઝ કિનારે આવેલા કેપિટોલા શહેરની મુલાકાતે જણાવ્યું હતું કે ડિસેમ્બરના અંતમાં શરૂ થયેલા તોફાન અને સંબંધિત ઘટનાઓમાં ઓછામાં ઓછા 17 લોકોના મોત થયા છે. શહેરમાં પૂરની અસર હજુ પણ જોવા મળી રહી છે. આ સ્થિતિ ગંભીર અને જીવલેણ છે, એમ તેમણે જણાવ્યું હતું. સોમવારે શરૂ થયેલા તોફાનની અસરોએ દક્ષિણ કેલિફોર્નિયાના પર્વતોમાં દોઢ ફૂટ (45 સે.મી.) થી વધુ વરસાદ અને સિએરા નેવાડા સ્કી રિસોર્ટમાં પાંચ ફૂટ (1.5 મીટર) થી વધુ બરફ  જામી ગયો છે. કેલિફોર્નિયામાં આવેલા પૂરના કારણે અનેક ઘરો વહેતી નદીઓના પ્રવાહમાં ધોવાઈ ગયા છે. ખડકો અને ભૂસ્ખલનને કારણે રસ્તાઓ બંધ છે. પૂરના કારણે માર્ગના કેટલાક ભાગો જળમાર્ગમાં ફેરવાઈ ગયા છે.