બ્રાઝિલમાં 62 લોકોને લઈને જતું પ્લેન થયું ક્રેશ

બ્રાઝિલમાં 62 લોકોને લઈને જતું પ્લેન થયું ક્રેશ

બ્રાઝિલના સાઓ પાઉલોમાં એક પેસેન્જર પ્લેન ક્રેશ થયું. મળતી માહિતી મુજબ આ પ્લેનમાં 62 લોકો સવાર હતા, અને તમામના મોત નિપજ્યા છે. આ એરક્રાફ્ટ 14 વર્ષ જૂનું એરક્રાફ્ટ હતું. આ પ્લેન રહેણાંક વિસ્તારમાં ક્રેશ થયું છે. આ ઘટના સાથે જોડાયેલા વીડિયો સોશિયલ મીડિયા પર વાયરલ થઈ રહ્યા છે.

એરલાઇન વોપાસે પ્લેન ક્રેશ થયાની પુષ્ટિ કરી છે. વિમાનમાં 58 મુસાફરો અને 4 ક્રૂ મેમ્બર સવાર હતા. આ વિમાન સાઓ પાઉલો ઈન્ટરનેશનલ એરપોર્ટ તરફ જઈ રહ્યું હતું.

58 મુસાફરો અને ચાર ક્રૂ મેમ્બર્સનું વિમાન સાઓ પાઉલોના ગ્વારુલહોસ ઈન્ટરનેશનલ એરપોર્ટ તરફ જતી વખતે ક્રેશ થયું હતું, એરલાઈને એક નિવેદનમાં પુષ્ટિ કરી હતી. નિવેદનમાં અકસ્માતનું કારણ જણાવ્યું નથી.

સાઓ પાઉલોના રાજ્યના અગ્નિશમન વિભાગે સોશિયલ મીડિયા પર પુષ્ટિ કરી હતી કે વિન્હેડોમાં વિમાન ક્રેશ થયું હતું અને તેણે સાત ટીમોને ક્રેશ એરિયામાં રવાના કરી હતી. સોશિયલ મીડિયા પર શેર કરાયેલા વિડીયોમાં વિમાન ઝાડના સમૂહમાં પડતું દેખાતું હતું અને ત્યારબાદ કાળા ધુમાડા નીકળ્યા હતા. આ ઘટના બ્રાઝિલના સાઓ પાઉલો રાજ્યની છે.