G-20 દેશોના સંગઠનનુ પ્રમુખપદ વિધિવત રીતે પ્રધાનમંત્રી નરેન્દ્ર મોદીને સોંપવામાં આવ્યું

ભારતને G - 20 દેશોના સંગઠનનું પ્રમુખપદ પ્રધાનમંત્રી નરેન્દ્ર મોદીને સોંપવામાં આવ્યું છે. ઇન્ડોનેશિયાના રાષ્ટ્રપતિએ પ્રતિકાત્મક રીતે પ્રધાનમંત્રી નરેન્દ્ર મોદીને G-20 નું પ્રમુખપદ સોંપ્યું હતું. આજે બાલીમાં G- 20 પરિષદના સમાપન સત્રમાં પ્રધાનમંત્રી નરેન્દ્ર મોદીએ કહ્યું કે આ બાબત દરેક ભારતીય માટે ગર્વની વાત છે કારણ કે ભારત G- 20 નું પ્રમુખપદ આગામી વર્ષે માટે સંભાળશે. તેમણે કહ્યું કે ભારત વિવિધ રાજ્યો અને શહેરોમાં G- 20 બેઠકોનું આયોજન કરશે અને G- 20 સંગઠનને વૈશ્વિક પરિવર્તન માટે પ્રેરક બનાવવામાં આવશે. તેમણે કહ્યું કે ભારતનું G- 20 નું પ્રમુખપદ સર્વ સમાવિષ્ટ, મહત્વાકાંક્ષી, નિર્ણાયક અને ક્રિયાલક્ષી હશે. તેમણે ઉમેર્યું કે આગામી એક વર્ષમાં, ભારતનો પ્રયાસ રહેશે કે G- 20 સામૂહિક પગલાંને વેગ આપવા વૈશ્વિક અગ્રણી બની રહેશે. તેમણે ભાર મૂક્યો કે G- 20 એજન્ડામાં મહિલાઓના નેતૃત્વમાં વિકાસને પ્રાથમિકતા આપવી જોઈએ.