PM મોદી કિવની મુલાકાતે, શહીદોની સ્મૃતિને કર્યા નમન

પ્રધાનમંત્રી નરેન્દ્ર મોદી પોલેન્ડથી સ્પેશિયલ ટ્રેન રેલ ફોર્સ વનમાં 10 કલાકની મુસાફરી કર્યા પછી યુક્રેન પહોંચ્યા હતા. યુક્રેનના રાષ્ટ્રપતિ ઝેલેન્સકીના આમંત્રણથી ભારતીય પ્રધાનમંત્રી યુક્રેનની પ્રથમ મુલાકાતે.

પીએમ મોદી યુક્રેન નેશનલ મ્યુઝિયમ ખાતે મલ્ટીમીડિયા શહીદશાસ્ત્રી પ્રદર્શનમાં હાજરી આપી. અહીં, જેમના યુદ્ધમાં જીવ ગયા હોય તેવા બાળકોની સ્મૃતિને PM મોદીએ આપી શ્રદ્ધાંજલિ. શહીદોની સ્મૃતિને નમન કર્યા. 

પીએમ મોદી ગાંધી પ્રતિમાને શ્રદ્ધાંજલિ આપશે, જે મહાત્મા ગાંધીના કાયમી વારસા અને તેમના શાંતિ અને અહિંસાના સિદ્ધાંતોનું પ્રતીક છે. AV ફોમિન બોટનિકલ ગાર્ડનમાં મહાત્માની કાંસ્ય પ્રતિમાનું અનાવરણ 2020માં મહાત્મા ગાંધીની 151મી જન્મજયંતિના અવસર પર કરવામાં આવ્યું હતું.

ત્યારબાદ પીએમ મોદી મેરિંસ્કી પેલેસ જશે, જ્યાં યુક્રેનના રાષ્ટ્રપતિ ઝેલેન્સકી તેમનું સ્વાગત કરશે. આ પછી બન્ને  નેતાઓ વચ્ચે પ્રતિબંધિત બેઠક યોજાશે જેમાં મુખ્ય મુદ્દાઓ પર ચર્ચા કરવામાં આવશે. બંને રાષ્ટ્રો વચ્ચે કરારો અને સહયોગને ઔપચારિક બનાવવા માટે દસ્તાવેજોની આપ-લે થશે.

આ મુલાકાતની ખાસિયતોમાંની એક BHISHM ક્યુબનું પ્રેઝન્ટેશન હશે, જે ડિઝાસ્ટર મેનેજમેન્ટ માટે રચાયેલ ક્રાંતિકારી મોબાઈલ હોસ્પિટલ છે. ભારત અને યુક્રેન વચ્ચેના સાંસ્કૃતિક અને શૈક્ષણિક સંબંધો પર ભાર મૂકતા હિન્દી શીખી રહેલા યુક્રેનિયન વિદ્યાર્થીઓ સાથે આ પછી વડાપ્રધાન નરેન્દ્ર મોદીની વાતચીત થશે.