આજથી દેશમાં સુશાસન સપ્તાહ શરૂ: ત્રણ હજારથી વધુ સેવાઓ ઓનલાઈન કરાશે

આજથી દેશભરમાં શરૂ થઇ રહેલા સુશાસન સપ્તાહમાં ત્રણ હજારથી વધુ સેવાઓને ઓનલાઇન  કરવામાં આવશે. કેન્દ્રીય કર્મચારી, લોકફરિયાદ અને પેન્શન મંત્રી ડો. જિતેન્દ્રસિંહ આજે નવી દિલ્હીના વિજ્ઞાન ભવનમાં આ અભિયાનનો આરંભ કરાવશે. આ અભિયાન પાંચ દિવસ ચાલશે. આ દરમિયાન દેશભરના જિલ્લા કલેક્ટર ત્રણ હજાર 120 નવી સેવાઓને ઓનલાઇન લોન્ચ કરવામાં આવશે.

આ દરમિયાન વિવિધ પોર્ટલ પર મળેલી લોક ફરિયાદોનું નિવારણ પણ કરવામાં આવશે.અભિયાનમાં 700થી વધુ જિલ્લા કલેક્ટર ભાગ લેશે. આ પ્રસંગે કેન્દ્રીય મંત્રી પોતાનું એક અલગ પોર્ટલ પણ લોન્ચ કરશે. તે પોર્ટલ પર જિલ્લા કલેક્ટર કાર્ય પ્રગતિ સંબંધી માહિતી અપલોડ કરશે.પ્રધાનમંત્રી મોદીએ દેશભરમાં સુશાસન સપ્તાહની સફળતા માટે શુભેચ્છા પાઠવી છે.