ઉપરાષ્ટ્રપતિ જમ્મુમાં શેર-એ-કાશ્મીર યુનિવર્સિટીના 8મા દીક્ષાંત સમારોહમાં હાજરી આપશે

ઉપરાષ્ટ્રપતિ જગદીપ ધનખડ જમ્મુમાં શેર-એ-કાશ્મીર કૃષિ વિજ્ઞાન અને ટેક્નોલોજી યુનિવર્સિટીના 8મા દીક્ષાંત સમારોહમાં મુખ્ય અતિથિ તરીકે હાજરી આપશે. 

જમ્મુના તેમના એક દિવસીય પ્રવાસ દરમિયાન ઉપરાષ્ટ્રપતિ કઠુઆના ઔદ્યોગિક બાયોટેક પાર્ક ખાતે ઉભરતા સ્ટાર્ટઅપ-વલણો પરના એક્સ્પોનું ઉદ્ઘાટન પણ કરશે. ઉપરાષ્ટ્રપતિ પીએમઓમાં કેન્દ્રીયમંત્રી ડૉ.જીતેન્દ્રસિંહના અંગત આમંત્રણ પર કઠુઆની મુલાકાતે છે. જેઓ કઠુઆ, ઉધમપુર અને ડોડા લોકસભા મતવિસ્તારના સાંસદ પણ છે. 

આ ઉપરાંત, ઉપરાષ્ટ્રપતિની સાથે ડો.જીતેન્દ્રસિંહ, લેફ્ટનન્ટ ગવર્નર, મનોજસિન્હા અને કેન્દ્ર-કેન્દ્રશાસિત પ્રદેશ સરકારોના વરિષ્ઠ અધિકારીઓ આ પ્રસંગે ઉપરાષ્ટ્રપતિની સાથે રહેશે.