કેદારનાથધામ જઈ રહેલ હેલિકોપ્ટરનું રોટર બંધ થયું, પાયલોટની કુશળતાથી યાત્રીઓના જીવ બચ્યા

સેરસીથી કેદારનાથધામ જઈ રહેલું હેલિકોપ્ટર દુર્ઘટનાનો ભોગ બનતાં-બનતાં રહી ગયું હતું.

ગુપ્તકાશી, ઉત્તરાખંડઃ સેરસીથી કેદારનાથધામ જઈ રહેલું હેલિકોપ્ટર દુર્ઘટનાનો ભોગ બનતાં-બનતાં રહી ગયું હતું. આ હેલિકોપ્ટરનું રોટર અચાનક ખરાબ થઈ ગયું હતું જેથી મોટી દુર્ઘટના સર્જાઈ હોત. પરંતુ પાયલોટની સમજદારીને કારણે મોટી દુર્ઘટના ટળી હતી. હેલિકોપ્ટરમાં સવાર છ મુસાફરો અને પાયલોટ સુરક્ષિત છે. આ હેલિકોપ્ટર ક્રિસ્ટલ એવિએશનનું છે.

જણાવવામાં આવ્યું છે કે હંમેશની જેમ આ હેલિકોપ્ટર સવારે 7:30 વાગ્યે 6 મુસાફરો સાથે કેદારનાથ ધામ માટે રવાના થયું હતું. કેદારનાથમાં હેલીપેડથી માત્ર 100 મીટર પહેલા હેલિકોપ્ટરનું રોટર ખરાબ થઈ ગયું હતું. પાયલોટે ધીરજ અને સમજદારી બતાવી અને હેલિકોપ્ટરને કાચી માટીમાં ઉતાર્યું હતું. માહિતી મળતાની સાથે જ વહીવટીતંત્રે તમામ હેલીકોપ્ટર સેવાઓ થોડા સમય માટે બંધ કરી દીધી હતી. આ અંગે તપાસ માટે તપાસ અધિકારીની નિમણૂક કરવામાં આવી છે.

આ વખતે કેદારનાથ ધામ માટે નવ હેલીકોપ્ટર સેવાઓને મંજૂરી આપવામાં આવી છે. એવો આક્ષેપ છે કે તમામ હેલી સેવાઓ DGCA અને UCADAના ધોરણોથી વિપરીત ચલાવવામાં આવી રહી છે. ના તો કંપનીઓ હેલીકોપ્ટર સેવાના ધોરણોને અનુરૂપ ઊંચાઈ જાળવી રહી છે અને ના તો તેઓ સલામતીના ધોરણોનું પાલન કરી રહી છે. મુસાફરોને જૂના હેલિકોપ્ટરમાં બેસાડીને કેદારનાથ ધામની યાત્રા કરાવવામાં આવે છે. નિયમો મુજબ, રોટર બંધ ન થાય ત્યાં સુધી ના તો યાત્રાળુઓને બહાર કાઢવામાં આવે છે કે ના તો મુસાફરોને અંદર જવા દેવામાં આવે છે.