ખેલો ઈન્ડિયા યુથ ગેમ્સ 2022ની પાંચમી આવૃત્તિ આજથી મધ્યપ્રદેશમાં શરૂ થશે

પ્રધાનમંત્રી નરેન્દ્ર મોદીની સલાહ પર 2018માં ખેલો ઈન્ડિયા યુથ ગેમ્સની શરૂઆત કરવામાં આવી હતી

કેન્દ્રીય માહિતી અને પ્રસારણ, રમતગમત અને યુવા બાબતોના મંત્રી અનુરાગ ઠાકુર અને મુખ્યમંત્રી શિવરાજ સિંહ ચૌહાણ આજે સાંજે 7 વાગ્યે ભોપાલના ટીટી નગર સ્ટેડિયમમાં આ રમતગમતનું ઉદ્ઘાટન કરશે. આ પ્રસંગે કેન્દ્રીય રમતગમત રાજ્ય મંત્રી નિસિથ પ્રામાણિક અને અન્ય મહાનુભાવો પણ ઉપસ્થિત રહેશે.

ગેમ્સના આ થીમ સોંગ પર દેશભરના લગભગ 6 હજાર ખેલાડીઓના દિલ આજથી એમપીમાં ધબકશે. આ ગેમ્સમાં, ખેલાડીઓ 27 સ્પોર્ટ્સ ઈવેન્ટ્સમાં 250થી વધુ ગોલ્ડ મેડલ માટે તેમનું સમગ્ર કૌશલ્ય સમર્પિત કરશે.મધ્યપ્રદેશના આઠ શહેરો ભોપાલ, ઈન્દોર, ઉજ્જૈન, જબલપુર, ગ્વાલિયર, મંડલા, બાલાઘાટ અને મહેશ્વરમાં 11 ફેબ્રુઆરી સુધી આ 13 દિવસીય કાર્યક્રમને સફળ બનાવવા માટે લગભગ 13,000 અધિકારીઓ અને 2,000 સ્વયંસેવકોને તૈનાત કરવામાં આવ્યા છે.

પ્રધાનમંત્રી નરેન્દ્ર મોદીની સલાહ પર 2018માં ખેલો ઈન્ડિયા યુથ ગેમ્સની શરૂઆત કરવામાં આવી હતી. તે સમયે આ ગેમ્સનું નામ ખેલો ઈન્ડિયા સ્કૂલ ગેમ્સ હતું.આ રમતોનો ઉદ્દેશ્ય સ્થાનિક સ્તરે રમતગમતની પ્રતિભાને શોધીને તેને વિકસાવવાનો અને રાષ્ટ્રીય-આંતરરાષ્ટ્રીય રમતગમતના કાર્યક્રમો માટે તેનું સંવર્ધન કરવાનો છે. તો આજે જ યુવા જુસ્સો, સહનશક્તિ અને તંદુરસ્ત સ્પર્ધાનો રોમાંચ જોવા માટે તૈયાર થઈ જાઓ.